एका महत्त्वपूर्ण कारवाईत, दिल्ली पोलिसांच्या नैऋत्य जिल्ह्यातील ऑपरेशन्स सेलने दोन बेकायदेशीर बांगलादेशी स्थलांतरितांना ताब्यात घेतले आहे. अटक करण्यात आलेल्यांची ओळख शिशिर हुबर्ट रोझारियो (३५, धनुन गाव, गाजीपूर जिल्हा) आणि मोहम्मद तौहिदुर रहमान (३३, खोंडोकर पारा, कॉक्स बाजार जिल्हा) अशी पटली आहे.
पोलिसांनी त्यांच्या मोबाईल फोन आणि सोशल मीडिया खात्यांची तपासणी केली. त्यातून मिळालेल्या माहितीच्या आधारे त्यांच्या कुटुंबीयांशी संपर्क साधण्यात आला. त्यानंतर त्यांच्या नावावरची बांगलादेशी राष्ट्रीय ओळखपत्रे आणि इतर कागदपत्रे पोलिसांच्या ताब्यात आली. आवश्यक औपचारिकता पूर्ण केल्यानंतर दिल्लीस्थित परदेशी प्रादेशिक नोंदणी कार्यालय (FRRO) च्या समन्वयाने एक नवीन हद्दपारी प्रक्रिया सुरू करण्यात आली आहे.
प्रसिद्धीपत्रकानुसार, महिपालपूर भागात काही बेकायदेशीर बांगलादेशी स्थलांतरित राहात असल्याची गुप्त माहिती दिल्ली पोलिसांच्या पथकाला मिळाली होती. मिळालेल्या माहितीनुसार पोलिसांनी तातडीने कारवाई करत संशयितांशी संपर्क साधला, त्यांची ओळख पटवण्यासाठी कागदपत्रांची मागणी केली आणि सखोल चौकशी केली.
चौकशीत दोघेही कोणतेही वैध ओळखपत्र किंवा इतर कागदपत्रे सादर करू शकले नाहीत. पुढील तपासात त्यांनी कबूल केले की ते बेकायदेशीररित्या भारतात आले होते आणि गेल्या ११ वर्षांपासून येथे वास्तव्यास होते. तसेच, त्यांच्या व्हिसाची मुदतही केव्हाच संपली असल्याचे उघड झाले. कसून पडताळणी आणि चौकशी केल्यानंतर, आवश्यक कायदेशीर औपचारिकता पूर्ण करण्यात आल्या, त्यानंतर नवी दिल्लीतील परदेशी प्रादेशिक नोंदणी कार्यालय (FRRO) द्वारे त्यांच्या हद्दपारीची प्रक्रिया सुरू झाली.
हे ही वाचा :
पंतप्रधान नरेंद्र मोदी यांची ‘जीएसटी बचत उत्सवाची घोषणा’
चोराच्या उलट्या बोंबा; पाकिस्तान म्हणतो, काश्मीरसाठी भारताने पुढाकार घ्यावा!
“राहुल गांधी पप्पू आहेत आणि पप्पूसारखेच बोलतात”
प्रशांत किशोर यांना तोट्यातील कंपन्यांकडून मिळाले कोट्यवधी
दरम्यान, ११ सप्टेंबर रोजी, ऑपरेशन सेलच्या दिल्ली पथकाने कापशेरा परिसरातून तीन महिलांसह चार बेकायदेशीर बांगलादेशी स्थलांतरितांना ताब्यात घेतले होते. ताब्यात घेतलेल्या स्थलांतरितांची ओळख ढाका येथील रहिवासी फरजाना अख्तर, जेसोर येथील रहिवासी नजमा बेगम, पालपारा येथील रहिवासी रेशमा अख्तर आणि कोतवाली जेसोर येथील रहिवासी ओरको खान अशी झाली आहे. या प्रकरणी पुढील कारवाई सुरू आहे.







