जम्मू-काश्मीरमधील डोडा येथे नुकतीच एक मोठी दुर्घटना घडली. थाथरीहून डोडाकडे जाणारी मिनी बस दरीत कोसळली. या अपघातात ८ जणांचा मृत्यू झाला असून १० जण जखमी झाले आहेत. घटनास्थळी बचावकार्य सुरू आहे. स्थानिक लोकांनी या अपघाताची माहिती सुरक्षा दलाला दिली. काही वेळातच लष्कराचे जवान घटनास्थळी पोहोचले. जवानांनी खड्ड्यात उतरून बसमध्ये अडकलेल्या लोकांना बाहेर काढण्यास सुरुवात केली. सर्व जखमींना रुग्णालयात दाखल करण्यात आले आहे. बस इतकी वेगाने घसरली की तिचे तुकडे तुकडे झाले.
केंद्रीय मंत्री डॉ जितेंद्र सिंह म्हणाले की, मी डोडा डीसी विकास शर्मा यांच्याशी बोललो आहे. जखमींना जीएमसी डोडा येथे हलवण्यात येत आहे. कोणत्याही प्रकारची मदत हवी असेल, ती दिली जाईल. लष्कराचे जवान आणि स्थानिक लोकांनी मिळून बसमध्ये अडकलेल्या लोकांना बाहेर काढले. लष्कराचे जवान आणि स्थानिक लोकांनी मिळून बसमध्ये अडकलेल्या लोकांना बाहेर काढले.
पंतप्रधान नरेंद्र मोदी यांनी जम्मू-काश्मीरमध्ये झालेल्या या अपघातावर शोक व्यक्त केला आहे. पीएमओने ट्विट करून ही दुःखद वेळ असल्याचे म्हटले आहे. या दुर्घटनेत मृत्युमुखी पडलेल्यांच्या कुटुंबियांप्रती मी संवेदना व्यक्त करतो. या दुर्घटनेत जखमी झालेल्यांची प्रकृती लवकरात लवकर बरी होण्यासाठी मी प्रार्थना करतो. या दुर्घटनेत मृत्युमुखी पडलेल्यांच्या कुटुंबीयांना प्रत्येकी २ लाख आणि जखमींना ५० हजार रुपयांची मदत देण्यात येणार असल्याचे पंतप्रधान मोदींनी सांगितले.
हे ही वाचा:
आर्यन खान मन्नतवर साजरा करणार शाहरुखचा वाढदिवस
ठाकरे सरकारविरोधात समीर वानखेडे गेले उच्च न्यायालयात
पालिकेत ‘भंगार’ रॅकेट; लिलाव करणाऱ्याचा आणि लाभार्थ्याचा पत्ता एकच!
प्रभाकर साईलला कोणत्या ऑफर आल्या ते तपासा!
जम्मू-काश्मीरचे लेफ्टनंट गव्हर्नर मनोज सिन्हा यांनी डोडा रोड अपघातावर शोक व्यक्त केला आहे. एलजी जम्मू आणि काश्मीरच्या कार्यालयाने त्यांच्या अधिकृत ट्विटर हँडलवर म्हटले आहे की, मनोज सिन्हा यांनी जिल्हा प्रशासनाला मृतांच्या कुटुंबीयांना तात्काळ मदत आणि जखमींना वैद्यकीय मदत देण्याचे निर्देश दिले आहेत. एलजीच्या विवेकाधीन निधीतून तात्काळ मदत म्हणून मृतांच्या कुटुंबीयांना २ लाख रुपये आणि जखमींना १ लाख रुपये दिले जातील.
