निदा खान आली समोर! गर्भवती असल्यामुळे जामीन द्या!

सक्तीच्या धर्मांतराचा आरोप असलेली टीसीएसच्या नाशिक युनिटची एचआर प्रमुख निदा खान हिने न्यायालयाकडे अटकपूर्व जामिनासाठी अर्ज केला आहे. सध्या अटकेपासून दूर असलेली निदा खान हिने नाशिक येथील स्थानिक न्यायालयात धाव घेतली आहे. आपण गर्भवती असून आपल्याला अटकपूर्व जामीन मंजूर करावा, असे तिने म्हटले आहे. तसेच सध्या ती मुंबईत असल्याचे कुटुंबीयांनी कळवले आहे.

विशेष तपास पथक (एसआयटी) सध्या या प्रकरणाचा तपास करत असून निदा खान हिला ताब्यात घेण्याची तयारी करत आहे. निदा खान २०२१ मध्ये टीसीएसच्या नाशिक येथील बीपीओ युनिटमध्ये रुजू झाली होती. या संपूर्ण धर्मांतर प्रकरणात निदा खान हिच्या नावाची चर्चा होत असून, ती यातील मुख्य आरोपींपैकी एक मानली जात आहे.

बीपीओमधील लैंगिक छळ आणि कथित धर्मांतराची प्रकरणे उघडकीस आल्यापासून आठ जणांना अटक करण्यात आली आहे, तर निदा फरार होती. तिच्या वकिलाने आता सांगितले आहे की, ती मुंबईत असून तिने अटकपूर्व जामिनासाठी न्यायालयात अर्ज केला आहे. या अर्जावर नाशिकच्या न्यायालयात सुनावणी होऊ शकते. आतापर्यंत अटक करण्यात आलेल्या कर्मचाऱ्यांमध्ये दानिश शेख, तौसीफ अत्तार, रझा मेमन, शाहरुख कुरेशी, शफी शेख, आसिफ आफताब अन्सार आणि शाहरुख शेख तसेच बीपीओ युनिटच्या ऑपरेशन्स हेड यांचा समावेश आहे.

पीडित महिलांनी केलेल्या तक्रारींकडे दुर्लक्ष केल्याचा आरोप एचआर मॅनेजरवर आहे. निदाने आरोपीची बाजू घेत, “अशा गोष्टी घडत असतात” असे सांगून एका महिलेला धर्मांतर आणि छळाच्या प्रकरणातील तक्रार दाखल करण्यापासून परावृत्त केले.

टाटा सन्सचे अध्यक्ष एन. चंद्रशेखरन यांनी हे आरोप “अत्यंत चिंताजनक आणि क्लेशदायक” असल्याचे म्हटले आहे. तसेच, वस्तुस्थिती जाणून घेण्यासाठी आणि जबाबदार व्यक्तींना ओळखण्यासाठी टीसीएसच्या सीओओ आरती सुब्रमण्यन यांच्या नेतृत्वाखाली एक व्यापक चौकशी सुरू असल्याचेही त्यांनी नमूद केले.

हे ही वाचा:

नोएडा कामगार आंदोलनामागे ‘पाकिस्तान लिंक’; नियोजित कट असल्याचे उघड

सातवे सोनेरी पान लिहिले जाते आहे… ज्येष्ठ संघकर्मी भैय्याजी जोशी

पंजाबचे मंत्री संजीव अरोरा यांच्या निवासस्थानी ईडीची छापेमारी

मुंबईच्या नेस्को म्युझिक कॉन्सर्टमध्ये ड्रग्स आणि चोरीचा थरार

लैंगिक छळ आणि सक्तीच्या धर्मांतराच्या आरोपांच्या नऊ तक्रारींची पोलीस चौकशी करत आहेत. या प्रकरणात आतापर्यंत सात जणांना अटक करण्यात आली आहे. आठ महिला कर्मचाऱ्यांच्या तक्रारींच्या आधारे पोलिसांनी गेल्या आठवड्यात एक विशेष तपास पथक (SIT) स्थापन केले. महिला कर्मचाऱ्यांचा आरोप आहे की, त्यांच्या वरिष्ठांनी त्यांचा मानसिक आणि लैंगिक छळ केला. जेव्हा त्या एचआरकडे तक्रारी करण्यात आल्या, तेव्हा त्याकडे दुर्लक्ष करण्यात आले. ही संपूर्ण घटना फेब्रुवारी २०२२ ते मार्च २०२६ या गेल्या चार वर्षांपासून सुरू आहे.