24 C
Mumbai
Tuesday, February 7, 2023
घरक्राईमनामाआफताबनंतर आता पत्नीच्या शरीराचे तुकडे करणारा आणखी एक नराधम सापडला

आफताबनंतर आता पत्नीच्या शरीराचे तुकडे करणारा आणखी एक नराधम सापडला

हत्या करून मृतदेहाचे इलेक्ट्रिक कटरने केले १२ तुकडे

Google News Follow

Related

दिल्लीतील श्रद्धा हत्याकांडाच्या भयंकर आठवणी ताज्या असतानाच आता त्याही त्याहीपेक्षा भयंकर प्रकार झारखंडमध्ये घडला आहे. साहिबगंज येथील बोरिया संथाली येथील एका निर्माणाधीन अंगणवाडी केंद्राच्या मागे मानवी अवयवाचे तुकडे आढळल्याने परिसरात खळबळ उडाली आहे.

शनिवारी सायंकाळी अंगणवाडी केंद्राच्या पाठीमागे एका व्यक्तीने महिलेच्या पायाचे व छातीचे कापलेले तुकडे कुत्र्याने खाताना पाहिल्याने ही घटना उघडकीस आली. पोलिसांना याची माहिती देण्यात आली. त्यानंतर पोलिसांचा ताफा मोठ्या फौजफाट्यासह दाखल झाला. यावेळी श्वानपथकही त्यांच्यासोबत होते. शुक्रवारी रिबिका पहाडीनचा गळा चिरून खून करण्यात आल्याचे सांगण्यात येत आहे. त्याचवेळी शनिवारी सायंकाळी पोलिसांना मृतदेहाचे तुकडे सापडले. मात्र रिबिकाचे डोके अद्याप सापडलेले नाही.

त्याचवेळी पोलिसांनी या प्रकरणी आरोपी पती दिलदार अन्सारी याला अटक केली आहे. दिलदार अन्सारी याच्या पोलिसांनी अंगणवाडी केंद्रापासून सुमारे ३०० मीटर अंतरावर असलेल्या मांढ टोला येथील एका बंद घरातून मृतदेहाचे काही तुकडे जप्त केले. काही तुकडे जमिनीवर विखुरलेले होते, तर काही तुकडे गोण्यांमध्ये ठेवले होते. अखेर मृतदेहाचे तुकडे का करण्यात आले, याचा तपास सुरू आहे. मात्र, आतापर्यंतच्या तपासात पुरावे लपविण्यासाठी मृतदेह कापण्यात आल्याचे दिसून येत आहे. कुटुंबीयांनाही पकडण्यात आले आहे. प्रत्येकाची चौकशी केली जात आहे. त्याचबरोबर आतापर्यंतच्या तपासात १२ तुकडे सापडले आहेत. यासोबतच एक शस्त्रही जप्त करण्यात आले असून, त्याची चौकशी करण्यात येत आहे.

हे ही वाचा: उमेश कोल्हे यांच्या हत्येप्रकरणी आरोपपत्र दाखल

‘अरुणाचलच्या तवांगमध्ये धर्मांतरणाविरोधात लढणारा सैनिक म्हणजे तेची गुबीन’

ठाकरेंचा घँडीवाद

नीरज चोप्राचा आणखी एक विक्रम

मयत रिबिका ही पती दिलदार अन्सारीसोबत बेलटोला येथे प्रेमविवाह करून राहत होती. लग्नानंतर काही दिवसांनीच दिलदारचे पत्नीशी भांडण सुरू झाल्याचा आरोप आहे. भांडणाला कंटाळून पतीने प्लॅन करून पत्नीची हत्या करून तिच्या मृतदेहाचे इलेक्ट्रिक कटरने तुकडे करून अंगणवाडी केंद्राच्या मागे फेकून दिले. दिलदारचे हे दुसरे लग्न असल्याचीही माहिती आहे.

पहिली पत्नीही त्याच्यासोबत राहत होती. लग्नापासून घरात कलह होता, यातूनच महिलेची हत्या करण्यात आली. विशेष म्हणजे, दिल्लीतील छतरपूर भागात भाड्याच्या घरात राहणाऱ्या आफताब पूनावाला याने भांडणानंतर प्रेयसी श्रद्धाची निर्घृण हत्या केली. यानंतर त्यांनी श्रद्धाच्या मृतदेहाचे ३५ तुकडे केले आणि ते तुकडे फ्रीजरमध्ये १८ दिवस ठेवले होते. तो हळूहळू मृतदेहाचे तुकडे जंगलात फेकत राहिला. या थरारक हत्याकांडात रोज नवनवीन खुलासे होत असून, त्याचा तपास सध्या सुरू आहे.

spot_img

लेखकाकडून अधिक

प्रतिक्रिया द्या

कृपया आपली टिप्पणी द्या!
कृपया येथे आपले नाव प्रविष्ट करा

आम्हाला follow करा

49,909चाहतेआवड दर्शवा
2,001अनुयायीअनुकरण करा
61,400सदस्य यादीसदस्य व्हा

इतर नवीनतम कथा