अयोध्येतील श्री राम जन्मभूमी मंदिराच्या शिखरावर पंतप्रधान नरेंद्र मोदी यांनी मंगळवार, २५ नोव्हेंबर रोजी धर्मध्वज फडकवला. यावेळी वैदिक मंत्र म्हटली गेली. तसेच “जय श्री राम” च्या जयघोषात सारा मंदिर परिसर दुमदुमून गेला होता. धर्मध्वज हवेत फडकत असताना, पंतप्रधान मोदींनी त्याच्याकडे पाहिले आणि हात जोडून नमस्कार केला. या समारंभात पंतप्रधान मोदींसोबत सरसंघचालक मोहन भागवत उपस्थित होते. उत्तर प्रदेशचे मुख्यमंत्री योगी आदित्यनाथ देखील उपस्थित होते.
१० फूट उंच आणि २० फूट लांबीच्या या त्रिकोणी ध्वजावर भगवान रामाच्या तेजाचे आणि शौर्याचे प्रतीक असलेला तेजस्वी सूर्य आहे. त्यावर कोविदार वृक्षाच्या चित्रासह ओम लिहिलेले आहे. ध्वजावर कोरलेला तेजस्वी सूर्य भगवान रामाच्या तेजाचे आणि शौर्याचे प्रतीक मानला जातो.
पारंपारिक उत्तर भारतीय नागर स्थापत्य शैलीत बांधलेल्या श्री रामजन्मभूमी मंदिरावर भगवा ध्वज फडकवण्यात आला तेव्हा भाविकांमध्ये आनंदाची लाट उसळली. पवित्र भगवा ध्वज रामराज्याच्या आदर्शांचे प्रतिनिधित्व करतो, जो प्रतिष्ठा, एकता आणि सांस्कृतिक सातत्य दर्शवतो. मंदिराचे बांधकाम पूर्ण झाल्याच्या निमित्ताने पंतप्रधान मोदी आणि सरसंघचालक मोहन भागवत यांनी पवित्र श्री रामजन्मभूमी मंदिरावर भगवा ध्वज फडकवला.
हे ही वाचा:
राम मंदिरावरील धर्मध्वजाबद्दल जाणून घ्या ‘या’ विशेष गोष्टी!
आधीच दिल्लीत प्रदूषण; त्यात आली इथियोपियाची राख
पंकजा मुंडेंचा स्वीय सहाय्यक अनंत गर्जेला अटक
“सिंध भारतात परत येऊ शकतो, सीमा बदलू शकतात”
भगवान राम आणि देवी सीतेच्या विवाह पंचमीच्या अभिजित मुहूर्ताच्या दिवशी ध्वजारोहण झाले. कार्यक्रमाच्या सुरुवातीला, पंतप्रधान मोदींनी राम लल्ला गर्भगृहात पूजा केली. त्यांच्यासोबत सरसंघचालक मोहन भागवत, उत्तर प्रदेशचे मुख्यमंत्री योगी आदित्यनाथ आणि राज्यपाल आनंदीबेन पटेल होते. त्यांनी माता अन्नपूर्णा मंदिरातही प्रार्थना केली. तसेच त्यांनी रामजन्मभूमी मंदिर परिसरातील सप्तमंदिरालाही भेट देत प्रार्थना केली. सप्तमंदिरात महर्षी वशिष्ठ, महर्षी विश्वामित्र, महर्षी अगस्त्य, महर्षी वाल्मिकी, देवी अहिल्या, निषादराज गुहा आणि माता शबरी यांची मंदिरे आहेत. यानंतर राम मंदिर परिसरातील शेषवतार मंदिराला देखील भेट देण्यात आली.
