अभिनेत्री शर्मिला टागोर यांनी माजी क्रिकेटपटू मन्सूर अली खान पटौडी यांच्याशी विवाह केल्यानंतर इस्लाम धर्म स्वीकारला आणि आपल्या मुलांना त्याच धर्मात वाढवले; मात्र त्यांनी मुलांना स्वतःच्या श्रद्धा निवडण्याचे स्वातंत्र्य दिले, असे अभिनेत्री शर्मिला टागोर यांची मुलगी सबा पतौडी यांनी एका मुलाखतीत सांगितले.
युट्युब चॅनेल बिग बॉलिवूड बफ्ससोबत झालेल्या संभाषणात सबाने सांगितले की, इस्लामने तिला आध्यात्मिक आधार दिला, परंतु तिच्यावर किंवा तिच्या भावंडांवर धर्म कधीही लादला गेला नाही. “माझ्यासाठी, मी म्हणेन की माझा धर्म इस्लाम आहे आणि माझे त्याच्याशी नाते आहे. जर मला देवाचा विचार करायचा झाला, तर मी बहुधा अल्लाह म्हणेन. याचा अर्थ असा नाही की मी इतर धर्मांचा आदर करत नाही,” असे सबाने सांगितले.
शर्मिलाने मुलांना दिली इस्लामची ओळख
सबा म्हणाली की, शर्मिला, ज्यांना ती ‘अम्मा’ म्हणते, त्यांनी मन्सूर अली खान पतौडी यांच्याशी विवाह केल्यानंतर इस्लाम धर्म स्वीकारला आणि आपल्या मुलांना या धर्माची ओळख करून दिली. अम्माने खरं तर इस्लाम धर्म स्वीकारला आणि आम्हाला इस्लामबद्दल मार्गदर्शन केले, कदाचित त्यामुळे आम्ही गोंधळून जाऊ नये आणि आम्हाला काही प्रकारचा आधार मिळावा,” असे तिने सांगितले.
हे ही वाचा:
कांगारूंना घरातच लोळवलं! बांगलादेशचा ऐतिहासिक विजय
गावागावांतून शोधणार भारताचे भावी चॅम्पियन!
पड्डिकलची शतकी खेळी; पहिल्याच दिवशी भारताचा दबदबा
सबा म्हणाली की, त्यांच्या घरी हिंदू धर्माच्या धार्मिक प्रथा पाळल्या जात नव्हत्या, पण तिच्या आईने तिला इस्लामबद्दल, त्यात रमजान आणि इतर गोष्टींबद्दल शिकवले. शेवटी मुलांना त्यांनी काय स्वीकारायचे हे ठरवण्याचे स्वातंत्र्य दिले.
“तिने मला माझ्या श्रद्धेबद्दल शिकवले आणि इस्लाम, रमजान आणि अशा गोष्टींची मला समज दिली. त्यानंतर आम्हाला काय पाळायचे आहे, हा आमचा निर्णय होता,” असे सबाने सांगितले.
‘श्रद्धा ही अतिशय वैयक्तिक गोष्ट आहे’
सबा म्हणाली की, त्यांच्या कुटुंबात धर्माचे कठोरपणे पालन केले जात नव्हते. कुटुंबाच्या ख्रिसमस, दिवाळी आणि होळीच्या उत्सवांकडे तिने त्यांच्या सर्वसमावेशक दृष्टिकोनाचे उदाहरण म्हणून पाहिले. “आम्ही ख्रिसमस, दिवाळी, होळी, सर्व काही साजरे करत मोठे झालो आहोत,” असे ती म्हणाली. तिच्या म्हणण्यानुसार, तिच्या आई-वडिलांनी मुलांवर कोणताही विशिष्ट धर्म लादला नाही.
सबा म्हणाली की, तिची भावंडे मोठी झाल्यानंतर आणि आंतरधर्मीय विवाह केल्यानंतरही हा दृष्टिकोन कायम राहिला. माझी भावंडे आंतरधर्मीय विवाहांमध्ये आहेत; मला वाटत नाही की कोणीही कोणत्याही गोष्टीचे फार कठोरपणे पालन करत आहे. श्रद्धा ही अतिशय वैयक्तिक गोष्ट आहे. ती कोणालाही दुसऱ्या व्यक्तीवर लादता येणारी गोष्ट नाही,” असे ती म्हणाली.
सैफ आणि सबा हे शर्मिला टागोर आणि मन्सूर अली खान पतौडी यांची मुले आहेत. त्यांच्या विवाहामुळे दोन वेगवेगळ्या धार्मिक परंपरा एकत्र आल्या. सैफचा पहिला विवाह अभिनेत्री अमृता सिंग यांच्याशी झाला होता; त्यांचा २००४ मध्ये घटस्फोट झाला. त्यानंतर त्याने २०१२ मध्ये करीना कपूरशी त्याचा दुसरा विवाह झाला.
त्याची धाकटी बहीण, अभिनेत्री सोहा अली खान, हिनेही तिच्या आणि अभिनेता कुणाल खेमू याच्याशी आंतरधर्मीय विवाह केला. तेव्हा लव्ह जिहादसारखी टीक त्यांच्यावर झाली होती.
शर्मिला यांनी यापूर्वी सिमी गरेवाल यांच्या मुलाखतीत आपल्या धर्मांतराबद्दल सांगितले होते. तिने सांगितले की, तिने इस्लाम धर्म स्वीकारला आणि मन्सूर अली खान यांच्याशी विवाह करण्यापूर्वी तिचे नामकरण ‘आयेशा’ असे करण्यात आले. तेव्हा शर्मिला म्हणाल्या होत्या की, या अनुभवामुळे त्यांना हिंदू धर्म आणि इस्लाम या दोन्ही धर्मांबद्दल अधिक जाणून घेण्याची संधी मिळाली.