अमेरिकेच्या हल्ल्यानंतर इराणने जोरदार पलटवार केला आहे. इराणने बहरीन आणि जॉर्डनमधील अमेरिकेच्या लष्करी तळांना लक्ष्य केले आहे. बहरीनमध्ये क्षेपणास्त्रविरोधी सतर्कतेचे सायरन सतत वाजत आहेत. दरम्यान, जॉर्डनने म्हटले आहे की, त्यांच्या हवाई संरक्षण यंत्रणेने इराणने डागलेली चार क्षेपणास्त्रे पाडली आहेत. वृत्तानुसार, जॉर्डनच्या हवाई हद्दीत प्रवेश केल्यानंतर ही क्षेपणास्त्रे शोधण्यात आली आणि त्यानंतर हवाई संरक्षण यंत्रणेने त्यांना रोखले.
इराणने दावा केला
दरम्यान, इराणने जॉर्डनमधील अमेरिकेच्या हवाई तळांवर यशस्वी हल्ला केल्याचा दावा केला आहे. इराणने जॉर्डनला आपल्या भूभागातून अमेरिकेचे तळ हटवण्याचे आवाहनही केले आहे. इस्लामिक रिव्होल्यूशनरी गार्ड कॉर्प्सने जारी केलेल्या निवेदनात म्हटले आहे, “तुम्हाला माहीत आहे की तुमच्या देशाशी आमचे कोणतेही वैर नाही. आम्ही तुमच्यासारख्या थोर लोकांवर प्रेम करतो, जे पॅलेस्टाईनमधील दडपशाही इतर कोणत्याही देशापेक्षा अधिक चांगल्या प्रकारे समजतात.”
हे ही वाचा:
प्रसूतीनंतर १८ महिलांचा मृत्यू; सात जणी डायलिसिसवर
४२ नरेंद्र मोदी स्टेडियमएवढी रेल्वेची जमीन अतिक्रमणाखाली
हॉर्मुझ सामुद्रधुनीत दोन तेलवाहू टँकर्सवर हल्ला; एका भारतीय खलाशाचा मृत्यू
अमेरिकेच्या हल्ल्यांमुळे इराणमध्ये हाहाकार
अमेरिकेच्या लष्कराच्या सेंट्रल कमांडने सांगितले की, त्यांनी इराणच्या किनारी संरक्षण प्रणाली, क्षेपणास्त्र व ड्रोन तळ आणि सागरी क्षमतांना लक्ष्य करून अबू मुसा, बंदर अब्बास, बुशेहर, चाबहार, जास्क आणि कोनारकच्या आसपासच्या भागांवर हल्ला केला. संयुक्त अरब अमिरातीच्या संरक्षण मंत्रालयाने मंगळवारी सकाळी सांगितले की, इराणने होर्मुझच्या सामुद्रधुनीमध्ये दोन टँकरवर हल्ला केला, ज्यात एक खलाशी ठार झाला आणि आठ जण जखमी झाले. या हल्ल्यांमुळे दोन्ही टँकरला आग लागली होती, मात्र ती आग विझवण्यात आली आहे.
