कपिल शर्मा कॅफे गोळीबार: सूत्रधाराला चीनी बनावटीच्या पिस्तुलसह अटक

कॅनडामध्ये कॉमेडियन कपिल शर्माच्या “कॅप्स कॅफे”वर झालेल्या गोळीबारामागील सूत्रधाराला दिल्ली पोलिसांच्या गुन्हे शाखेने अटक केली आहे. अटक केलेल्या गुंडाची ओळख बंधू मान सिंग सेखोन अशी झाली आहे, जो गोल्डी ढिल्लन टोळीचा भारत- कॅनडास्थित हँडलर आहे. त्याच्याविरुद्ध अनेक गुन्हे दाखल आहेत. गुन्हे शाखेने त्याच्या ताब्यातून एक उच्च दर्जाचे पीएक्स- ३ (चीनमध्ये बनवलेले) पिस्तूल आणि आठ जिवंत काडतुसे जप्त केली आहेत.

कपिल शर्माच्या ‘कॅप्स कॅफे’ला १० जुलै रोजी अज्ञात व्यक्तींनी पहिल्यांदा लक्ष्य केले होते, त्यानंतर ७ ऑगस्ट आणि १६ ऑक्टोबर रोजी कॅफेवर आणखी दोन हल्ले झाले. या घटनांमध्ये कोणीही जखमी झाले नाही आणि कोणत्याही गटाने जबाबदारी स्वीकारलेली नाही.

कपिल शर्मा याने मुंबईत सांगितले होते की, कॅनडातील सरे येथील त्याच्या कॅफेमध्ये झालेल्या गोळीबाराच्या तीन घटनांमुळे अधिकाऱ्यांना देशातील अशा हल्ल्यांविरुद्ध कारवाई करण्यास भाग पाडले आहे. तिथल्या कायद्यांना आणि पोलिसांना कदाचित अशा घटनांवर नियंत्रण ठेवण्याची शक्ती नाही. पण जेव्हा कॅफेची घटना घडली तेव्हा तो संघराज्य सरकारकडे गेला आणि कॅनडाच्या संसदेत त्यावर चर्चा झाली. खरं तर, प्रत्येक गोळीबाराच्या घटनेनंतर, आमच्या कॅफेमध्ये अधिक लोक येत असत. जर देव माझ्यासोबत असेल तर सर्व काही ठीक होईल, असे कपिल शर्मा म्हणाला होता. म्हणाला. हल्ल्यांनंतर अनेक लोकांनी त्यांच्याशी संपर्क साधल्याचे शर्मा म्हणाले.

हेही वाचा..

नॅशनल गार्डवरील गोळीबारानंतर १९ देशांच्या ग्रीन कार्ड्सची समीक्षा करण्याचे आदेश

मोदी सरकारमध्ये शेतीसाठी विजेची उपलब्धता वाढली!

बुलडोझर कारवाईबद्दल काय म्हणाले माजी सरन्यायाधीश?

“मला वाटतं की देव काहीही करत असला तरी आपल्याला त्यामागील कथा माहित नाही. तिथल्या अनेक लोकांकडून मला खूप फोन आले ज्यांनी मला सांगितलं की खूप काही घडत आहे, पण माझ्या कॅफेमध्ये झालेल्या गोळीबारानंतर ती बातमी बनली आणि आता तिथली कायदा आणि सुव्यवस्था सुधारण्यासाठी पावले उचलली जात आहेत,” असे कपिल शर्मा म्हणाले. तसेच मुंबईत किंवा आपल्या देशात कुठेही असुरक्षित वाटले नाही. मुंबईसारखे दुसरे कोणतेही शहर नाही, असेही तो पुढे म्हणाला.