नाटो सीमेजवळ घिरट्या घालत आहेत रशियाचे ११ अणु बॉम्बर

युक्रेन-रशिया यांच्यातील युद्ध तणाव वाढत चालला आहे. रशियाने नाटो-संलग्न देशांच्या सीमेवर ११ आण्विक-सक्षम बॉम्बर तैनात केले आहेत.रशियाचे राष्ट्राध्यक्ष व्लादिमीर पुतिन यांच्याकडून आण्विक हल्ल्याच्या धमकीनंतर नाटो देशांच्या सीमेजवळ रशियन बॉम्बर दिसले आहेत. उपग्रह प्रतिमेत नॉर्वेजियन सीमेपासून २० मैल अंतरावर रशियाचा टीयू १६० आणि टीयू ९५ बॉम्बरचा ताफा दिसत आहे.

या महिन्याच्या ७ तारखेला घेतलेल्या छायाचित्रात रशियन एअरबेस ओलेनिया येथे सात बॉम्बर आणि चार टीयू-९५ विमाने दिसल्याचे अहवालात म्हटले आहे. त्याचवेळी, दोन दिवसांनी घेतलेल्या छायाचित्रात सात बॉम्बर विमानांपैकी एक विमान धावपट्टीवर उड्डाण करताना दिसत आहे. टीयू १६० हे रशियाचे सर्वात घातक विमान मानले जाते. ते २२०० किमी प्रतितास वेगाने उड्डाण करू शकते. यासोबतच हे ११०००० किलो वजन वाहून नेण्यास सक्षम आहे.

युक्रेनवरील अण्वस्त्र हल्ल्यामुळे रशियाला संकटाचा सामना करावा लागेल तेव्हाच मॉस्को अण्वस्त्रांचा अवलंब करेल, असे रशियाचे परराष्ट्र मंत्री सर्गेई लावरोव्ह यांनी म्हटले आहे. युक्रेनला पाश्चात्य देशांकडून लष्करी सहाय्य मिळेल, नाटो सदस्य देशांमध्ये आपल्या सैन्याला प्रशिक्षण दिले जाईल, युक्रेनला उपग्रह डेटा प्रदान केला जाईल आणि कीव बाजूकडून पाश्चात्य देशांशी लढाई वाढली जाईल असा इशारा रशियाचे उप परराष्ट्र मंत्री सर्गेई रियाबकोव्ह यांनी ११ ऑक्टोबर रोजी दिला होता. तत्पूर्वी, रशिया आपल्या प्रदेशांचे रक्षण करण्यासाठी सर्व उपलब्ध मार्ग वापरण्यास मागेपुढे पाहणार नाही असे पुतिन म्हणाले होते.

हे ही वाचा:

शिंदे फडणवीस सरकारने दिली शेतकऱ्यांना दिवाळी भेट

कोळसा खाणीत झालेल्या स्फोटात २२ जणांचा मृत्यू

INS अरिहंतवरून बॅलेस्टिक क्षेपणास्त्राची यशस्वी चाचणी

धक्कादायक!! पाकिस्तानमध्ये रुग्णालयात आढळले ५०० मृतदेह

रशियाविरुद्धच्या लढाईदरम्यान युक्रेनने नाटोमध्ये सामील होण्यासाठी औपचारिकपणे अर्ज केला आहे. रशियाने युक्रेनला दिलेल्या अर्जाकडे कोणाचेच लक्ष गेले नाही. प्रत्युत्तरादाखल रशियाच्या सुरक्षा परिषदेचे उपसचिव अलेक्झांडर वेनेडिक्टोव्ह यांनी कीव्हला हे चांगलेच ठाऊक आहे की अशा हालचालीचा अर्थ तिसऱ्या महायुद्धाची हमी असेल असे म्हटले आहे.