रशिया- युक्रेन यांच्यात १,००० कैद्यांची होणार अदलाबदल

युक्रेनचे राष्ट्राध्यक्ष वोल्दिमीर झेलेन्स्की यांनी सांगितले की, युक्रेनने रशियाला कैद्यांच्या अदलाबदलीसाठी १,००० कैद्यांची यादी दिली आहे. राष्ट्राध्यक्षांच्या प्रेस सर्व्हिसने याबाबत माहिती दिली. दरम्यान, दोन्ही देशांनी एकमेकांवर तीन दिवसांच्या युद्धविरामाचे उल्लंघन केल्याचा आरोप केला आहे. रविवारी सायंकाळी केलेल्या भाषणात राष्ट्राध्यक्ष झेलेन्स्की म्हणाले, “१,००० विरुद्ध १,००० कैद्यांच्या अदलाबदलीची तयारी सुरू आहे आणि ती झालीच पाहिजे. अमेरिकेने या हमीची जबाबदारी घेतली आहे.”

माध्यमांच्या वृत्तानुसार, त्यांनी रशियासोबतचे युद्ध संपुष्टात यायला हवे आणि विश्वासार्ह सुरक्षेची हमी मिळायला हवी, यावरही भर दिला. ते म्हणाले, “आता पुतीन स्वतः सांगत आहेत की ते अखेर प्रत्यक्ष बैठकीसाठी तयार आहेत. आम्ही त्यांना त्यासाठी थोडा दबाव दिला आणि आम्ही स्वतःही बराच काळ अशा बैठकीसाठी तयार होतो. आता त्यासाठी योग्य स्वरूप निश्चित करावे लागेल.”

रशिया आणि युक्रेन यांनी शुक्रवारी तीन दिवसांच्या युद्धविरामावर आणि १,००० कैद्यांच्या अदलाबदलीवर सहमती दर्शवली होती. मात्र रविवारी दोन्ही देशांनी एकमेकांवर जाहीर युद्धविराम मोडल्याचा आरोप केला. रशियन संरक्षण मंत्रालयाने रविवारी सांगितले की, युक्रेनियन सैन्याने गेल्या २४ तासांत युद्धविरामाचे १६,०७१ वेळा उल्लंघन केले. मंत्रालयाने म्हटले की, रशियन सैन्याने या उल्लंघनांना तितक्याच ताकदीने प्रत्युत्तर दिले. मल्टीपल लॉन्च रॉकेट सिस्टम, तोफखाना आणि मोर्टार तळांसह कमांड पोस्ट आणि ड्रोन लॉन्च साइट्सवर प्रत्युत्तरात्मक हल्ले करण्यात आले. शनिवारीही मंत्रालयाने विविध भागांत युद्धविरामाचे ८,९७० उल्लंघन झाल्याची नोंद केली होती. दुसरीकडे, युक्रेनियन अधिकाऱ्यांनी रविवारी सांगितले की, युद्धविराम असूनही रशियन हल्ल्यांमध्ये किमान एका व्यक्तीचा मृत्यू झाला आणि १५ जण जखमी झाले.

हे ही वाचा:

पंतप्रधानांच्या आवाहनानंतर ज्वेलरी शेअर्स ९ टक्क्यांपर्यंत कोसळले

भारताने वर्षभर सोनं खरेदी करणं टाळल्यास किती कोटींची होईल बचत?

भारत-बांगलादेश सीमेवरील कुंपणासाठी बीएसएफला ४५ दिवसांत देणार जमीन

NEET 2026 पेपर लीक? ‘अपेक्षित प्रश्नसंच’मधील १४० प्रश्न मूळ परीक्षेशी जुळले

युक्रेनियन सशस्त्र दलाच्या जनरल स्टाफने एका निवेदनात म्हटले की, रशियन सैन्याने रविवारी युक्रेनियन तळांवर 60 वेळा हल्ले केले. उल्लेखनीय म्हणजे, रशिया आणि युक्रेन यांनी ‘विक्टरी डे’ उत्सवाच्या पार्श्वभूमीवर शनिवार ते सोमवार या कालावधीसाठी तीन दिवसांच्या युद्धविरामावर सहमती दर्शवली होती.