थायलंड आणि कंबोडियाची तात्काळ युद्धबंदीवर सहमती!

२४ जुलै रोजी सीमा वाद वाढून प्राणघातक संघर्षात रूपांतरित झाल्यानंतर, पंतप्रधान इब्राहिम यांनी मलेशिया हा कंबोडिया आणि थायलंडसोबत युद्धबंदी चर्चा करू शकतो असा प्रस्ताव मांडला आणि चीन आणि अमेरिकेनेही वाटाघाटींमध्ये मदत करण्याची ऑफर दिली. मलेशियाने शांतता चर्चेची घोषणा केल्यानंतरही, थायलंड आणि कंबोडियाने सोमवारी सीमावर्ती भागात संघर्ष झाल्याचे वृत्त दिले. दरम्यान, दोनही देशांनी तात्काळ युद्धबंदीवर सहमती दर्शवली आहे. 

हे ही वाचा : 

थायलंड आणि कंबोडिया का लढत आहेत?

पाच दिवस चाललेल्या या संघर्षात थायलंडमध्ये १३ आणि कंबोडियामध्ये आठ नागरिकांसह ३० हून अधिक लोकांचा मृत्यू झाला. दोन्ही देशांच्या सीमावर्ती भागातून दोन लाखांहून अधिक लोकांना स्थलांतरित करण्यात आले आहे, असे अधिकाऱ्यांनी सांगितले. थायलंड आणि कंबोडिया त्यांच्या ८१७ किमी लांबीच्या सीमेवरील वादग्रस्त भागांवरून अनेक दशकांपासून संघर्ष करत आहेत. या वादाच्या केंद्रस्थानी ‘ता मोआन थोम’ आणि ‘प्रेह विहार’ या प्राचीन हिंदू मंदिरांच्या मालकीचा मुद्दा आहे.

दोनही देशात वाद होण्याचे कारण म्हणजे १९६२ मध्ये आंतरराष्ट्रीय न्यायालयाने (ICJ) मंदिराचा अधिकार कंबोडियाला दिला होता, परंतु परिसरातील ४–४.६ चौरस किलोमीटर भागावर थायलंड दावा करत आहे आणि अजूनही त्यावर ठाम आहेत. हा वाद सुरु असताना २००८ मध्ये कंबोडियाने हे मंदिर युनेस्कोच्या जागतिक वारशांच्या यादीत समाविष्ट केले. मात्र, असे केल्याने तणाव आणखी वाढला आणि तो अजूनही सुरूच आहे.