……याने माणसाचे रूपांतर मगरीत होईल!!! ब्राझिलियन राष्ट्राध्यक्षांच्या अजब दावा!!

- Advertisement -

ब्राझीलचे राष्ट्राध्यक्ष जैर बोलसोनारो यांनी एक अजब तर्क मांडला आहे. कोविड लसीवर त्यांनी टीकेचा भडीमार केला. फायझर लसीवर टीका करताना ते म्हणाले की या लसीने माणसाचे रूपांतर मगरीत होईल किंवा महिलांना दाढी येईल.  बोलसोनारो हे कायम कोविद विषयातील त्यांच्या भूमिकेमुळे वादग्रस्त राहिले आहेत. महामारीच्या सुरवातीला त्यांनी यांचे वर्णन हा तर ‘छोटासा ताप’ आहे असे केले होते.

आत्ताही फायझर वर टीकास्त्र सोडताना ते म्हणाले, “फायझरच्या करारात हे स्पष्ट आहे: आम्ही कोणत्याही प्रकारच्या साईड इफेक्ट्स ना जबाबदार नाही. तुम्ही उद्या मगर बनलात तरी तो तुमचा प्रश्न आहे. तुम्ही महामानव झालात किंवा महिलांना दाढी उगवू लागली किंवा पुरुष बाईच्या आवाजात बोलू लागला तरी त्यांना त्याचाशी काही दणेघेणे नाही.”

ब्राझील मध्ये लसीकरण शिबिरांना सुरवात झाली आहे. लसीकरण सक्तीचे नाही पण बंधनकारक आहे असे तिथल्या सर्वोच्च न्यायालयाने म्हंटले आहे.