30 C
Mumbai
Thursday, April 18, 2024
घरराजकारणदिल्लीत इंडिया आघाडीसोबत आणि बंगालमध्ये ममता म्हणतात, काँग्रेसला मत म्हणजे भाजपला मत

दिल्लीत इंडिया आघाडीसोबत आणि बंगालमध्ये ममता म्हणतात, काँग्रेसला मत म्हणजे भाजपला मत

Google News Follow

Related

तृणमूल काँग्रेसचे खासदार डेरेक ओब्रायन हे दिल्लीतील रामलीला मैदानात त्यांचा पक्ष इंडिया आघाडीसोबत असल्याची ग्वाही देत असताना पश्चिम बंगालच्या मुख्यमंत्री ममता बॅनर्जी मात्र वेगळा राग आळवत आहेत. आमचा पक्ष काँग्रेसविरुद्ध लढत असल्याचे सांगत बॅनर्जी यांनी काँग्रेस आणि माकपवर भाजपला मदत केली जात असल्याचा आरोप केला. काँग्रेसला मत देणे म्हणजे भाजपला मत देणे आहे, अशी टीका त्यांनी केली.

‘काँग्रेस पक्ष येथे डाव्यांशी आघाडी करून निवडणूक लढवत आहेत. त्यांना मत देणे म्हणजे भाजपला मत देण्यासारखे आहे. आमचा पक्ष माकप-भाजप-काँग्रेसविरोधात एकट्याने लढा देत आहे. मी असे ऐकले आहे की माकप आणि काँग्रेस इंडिया आघाडीतून लढा देत आहे. अशी कोणतीही आघाडी स्थापन झालेली नाही. येथे घोटाळा झाला आहे. माकप-भाजप-काँग्रेस एका बाजूला आहे तर दुसऱ्या बाजूला तृणमूल’ असे बॅनर्जी म्हणाल्या.

‘तुम्हाला बिल्कीस बानो माहिती आहे का? तुम्हाला हाथरस घटना आठवते का? तुम्हाला गुजरातची दंगल आठवते का? भाजप हा दंगलखोर पक्ष आहे आणि काँग्रेस व माकप त्यांना पाठिंबा देत आहे,’ असा आरोप त्यांनी केला.
तृणमूलचे नेते कुणाल घोष यांनी याबाबत स्पष्टीकरण दिले. राष्ट्रीय स्तरावर आम्ही इंडिया आघाडीच्या पाठिशी आहोत. परंतु बंगालमध्ये काँग्रेस आणि माकप हे भाजपला आघाडी देत आहेत, असा दावा त्यांनी केला.

ही वाचा :

गडचिरोली पोलिसांची कारवाई; महाराष्ट्र- छत्तीसगड सीमेवरील माओवादी कॅम्प उद्ध्वस्त

अरविंद केजरीवालांना १४ दिवसांची न्यायालयीने कोठडी

ज्येष्ठ नेते लालकृष्ण अडवाणींना ‘भारतरत्न’ पुरस्कार

काँग्रेसने भारताचे बेट श्रीलंकेला देऊन टाकले; पंतप्रधान मोदींनी साधला निशाणा

‘इंडिया आघाडी ही आमच्या नेत्या ममता बॅनर्जी यांच्याच पुढाकाराने अस्तित्वात आली आहे. हे नावही आमच्या मुख्यमंत्र्यांनी दिले होते. आम्ही राष्ट्रीय स्तरावर इंडिया आघाडीसोबतच आहोत. मात्र पश्चिम बंगालमध्ये काँग्रेस आणि माकप हे भाजपचे एजंट बनले आहेत. भाजपविरोधात लढण्यासाठी त्यांच्याकडे पक्षसंघटन नाही, मतार ते तृणमूलविरोधात राजकारण करून भाजपला मदत करत आहेत. त्यामुळेच तृणमूल काँग्रेस बंगालमध्ये भाजपविरोधातील सर्व ४२ जागा लढवत आहे,’ असे घोष यांनी स्पष्ट केले.

spot_img

लेखकाकडून अधिक

प्रतिक्रिया द्या

कृपया आपली टिप्पणी द्या!
कृपया येथे आपले नाव प्रविष्ट करा

The reCAPTCHA verification period has expired. Please reload the page.

आम्हाला follow करा

49,899चाहतेआवड दर्शवा
2,036अनुयायीअनुकरण करा
147,000सदस्य यादीसदस्य व्हा

इतर नवीनतम कथा