अमृता फडणवीस यांनी उघड केले रहस्य
राज्यात सत्तांतर झाल्यानंतर विधानसभेत मुख्यमंत्री एकनाथ शिंदे यांनी भाषणात नवनवीन खुलासे केले होते. बंड केल्यानंतरच्या घडामोडींबद्दल एकनाथ शिंदेंनी सांगितले होते. त्यानंतर आता उपमुख्यमंत्री देवेंद्र फडणवीस यांच्या पत्नी अमृता फडणवीस यांनी सत्तास्थापनेपूर्वीच्या एकनाथ शिंदे आणि देवेंद्र फडणवीस यांच्या भेटींविषयी मोठा गौप्यस्फोट केला आहे.
एका वृत्तवाहिनीला दिलेल्या मुलाखतीत अमृता फडणवीस म्हणाल्या की, “एकनाथ शिंदे यांना भेटायला जाण्यासाठी देवेंद्रजी वेशांतर करून जायचे. शिवाय देवेंद्रजी मुख्यमंत्री होणार नाहीत, हे देखील आपल्याला आधीच माहित होतं,” असेही त्यांनी म्हटलं आहे.
हे ही वाचा:
‘महाविकास आघाडीमुळे हिंदुत्वासाठी निर्णय घेऊ शकलो नाही’
नुपूर शर्मांचे शीर कापणाऱ्यास घर देण्याची भाषा करणाऱ्या सलमान चिश्तीला अटक
ब्रिटनच्या आरोग्य सचिव, अर्थमंत्र्यांनी दिला राजीनामा
रिक्षाच्या स्पीडपुढे मर्सिडिजचा स्पीड फिका पडला…
एकनाथ शिंदे यांनी भाषण करताना दिलखुलास भाषण केले. यावेळी त्यांनी सरकार स्थापनेसंदर्भातील अनेक गुपितं उलगडली. यावेळी एकनाथ शिंदे म्हणाले होते की, “मी आणि देवेंद्र फडणवीस अंधार झाल्यावर भेटायचो. सगळे आमदार झोपल्यावर जायचो आणि सगळे उठायच्या आधी यायचो, असं एकनाथ शिंदे म्हणाले. त्यानंतर अमृता फडणवीस यांनी केलेल्या वक्तव्यामुळे सर्वांच्या भुवया उंचावल्या आहेत.
