गेल्या काही दिवसांपासून भाजपा नेते मोहित कंबोज राजकीय वर्तुळात चांगलेच चर्चेत आहे. महाविकास आघाडी नेत्यांवर मोहित कंबोज खोचक टीका करत असतात. आज, २८ ऑगस्ट रोजी मोहित कंबोज यांनी त्यांचा टीकेचा मोर्चा राष्ट्रवादीचे नेते रोहित पवार यांच्याकडे वळवला आहे. पीएमसी बँक घोटाळाप्रकरणी त्यांनी रोहित पवार यांचे नाव घेतले असून राष्ट्रवादीच्या इतर दोन अटकेत असलेल्या नेत्यांवरूनदेखील खोचक टोला लगावला आहे.
In 2006 BJP Leaders Forced Shri Rohit Pawar To Become Partner With #PMCBank #HDIL Scam Rakesh Wadhawan ,From 2006 to 2012 Crores Of Transactions Done In Start Up Company Green Acre Resorts Which Do Business From Jewellery To UnderGarments to RealEstate.
सब गलती भाजपा की है जी 🤣 pic.twitter.com/rET20rTgw5— Mohit Kamboj Bharatiya (@mohitbharatiya_) August 28, 2022
मोहित कंबोज यांनी रोहित पवारांना लक्ष्य करत आज सकाळी ट्विट केली आहेत. सगळी चूक भाजपाची आहे, असे मिश्किलपणे म्हणत कंबोज यांनी रोहित पवारांवर निशाणा साधला आहे. ट्विटमध्ये ते म्हणाले, २००६ मध्ये भाजपानेच रोहीत पवार यांना पीएमसी बँक आणि एचडीआयएल घोटाळ्यातील आरोपी राकेश वाधवान यांचे पार्टनर बनायला भाग पाडले. त्यामुळे या घोटाळ्यांमध्ये भाजपाचीच चूक आहे, अशी खोचक टीका त्यांनी पवारांवर केली आहे.
खुद सब कांड किए और अब जब उजागर हो रहे हैं तो भाजपा को कोसने का , यह भी एक नया धंधा हैं !
जब कुछ ग़लत नहीं किया तो डर किस बात का हैं !सच्चा इंसान कभी कोई जाँच से नहीं डरता , जिसके मन में चोर है वो ही डरता है !
जिनके घर शीशे के होते हैं, वे दूसरों के घरों पर पत्थर नहीं फेंकते !
— Mohit Kamboj Bharatiya (@mohitbharatiya_) August 28, 2022
घोटाळे समोर आल्यानंतर भाजपाला दोष दिला जात आहे. त्यावरून मोहित कंबोज यांनी रोहित पवारांचा चांगलाच समाचार घेतला आहे. ट्विटमध्ये ते म्हणाले, स्वत: सगळे घोटाळे करून आता ते समोर आल्यावर भाजपाला दोष देण्याचा हा एक नवीन धंदा आहे. जर तुम्ही काही चुकीचे केलंच नाहीये, तर मग घाबरण्याचे काय कारण? खरा माणूस कधीच कोणत्या चौकशीला घाबरत नाही. ज्याच्या मनात चोर आहे, तोच घाबरतो. ज्यांची घरं काचेची असतात, ते दुसऱ्यांच्या घरांवर दगड मारत नाही, असे सडेतोड उत्तर मोहित कंबोज यांनी दिले आहे.
NCP में एक Bol Bachchan था मियाँ नवाब मलिक ( सलीम ) और सेना में संजय राउट ( जावेद ) !
लगता है दोनो कि जगह पार्टी में भरने के लिए Competition चालू हैं !
लगे रहो लेकिन नवाब और राउट मत बनना !
— Mohit Kamboj Bharatiya (@mohitbharatiya_) August 28, 2022
तर तिसऱ्या ट्विटमध्ये कंबोज यांनी राष्ट्रवादी काँग्रेसमध्ये बोलबच्चन आहेत, असा टोला कंबोज यांनी लगावला आहे. राष्ट्रवादी काँग्रेसमध्ये एक बोलबच्चन होते..मियाँ नवाब मलिक (सलीम) आणि शिवसेनेत संजय राऊत (जावेद)! आता वाटतंय की या दोघांच्या जागांसाठी त्यांच्या पक्षांमध्ये स्पर्धा लागली आहे. चालू द्या, पण नवाब मलिक आणि संजय राऊत बनू नका, असं ट्विटसुद्धा मोहित कंबोज यांनी केले आहे.
मिलिए भारत के #JeffBezos से- 2006 में 21 साल के इस गबरू जवान ने Green Acres Resorts के तहत 200 तरह के अलग अलग- प्लास्टिक,हीरा,गोल्ड,बिल्डर,इक्स्पॉर्ट,इंपोर्ट,दारू से चड्डी तक का धंधा करने वाला #StartUp शुरू किया।गिनीज बुक ऑफ़ वर्ल्ड रेकर्ड से विनती है कि उनका नाम रेकर्ड में डालें
— Mohit Kamboj Bharatiya (@mohitbharatiya_) August 28, 2022
नुकत्याच केलेल्या चौथ्या ट्विटमध्ये मोहित कंबोज यांनी रोहित पवारांना भारतचे जेफ बेझोस असं म्हणत निशाणा साधला आहे. भारताच्या जेफ बेझोसला भेटा. ज्याने २००६ मध्ये २१ व्या वर्षी ग्रीन एकर्स रिसॉर्ट्स अंतर्गत दोनशे विविध प्रकारच्या प्लास्टिक, हिरे, सोने, बिल्डर, निर्यात, आयात, मद्य ते ट्रंकचा व्यवसाय सुरू केला. त्यामुळे गिनीज बुकला विनंती केलीकी, वर्ल्ड रेकॉर्डमध्ये त्याचे नाव नोंदवा! असे म्हणत रोहित पवार यांच्यावर मोहित कंबोज निशाणा साधत आहेत.
