पंतप्रधान मोदींना ‘दहशतवादी’ म्हणणे म्हणजे १४० कोटी भारतीयांचा अपमान!

काँग्रेसचे राष्ट्रीय अध्यक्ष मल्लिकार्जुन खर्गे यांनी चेन्नई येथे एका पत्रकार परिषदेदरम्यान पंतप्रधान नरेंद्र मोदी यांच्याविषयी आक्षेपार्ह शब्दांचा वापर करत त्यांना ‘दहशतवादी’ म्हटले. मात्र, नंतर त्यांनी आपल्या विधानावर स्पष्टीकरणही दिले.

या वक्तव्यानंतर भाजप नेत्यांनी तीव्र प्रतिक्रिया दिली आहे.  केंद्रीय मंत्री पियूष गोयल यांनी सोशल मीडिया प्लॅटफॉर्म एक्स वर म्हटले की, काँग्रेस आणि द्रविड मुन्नेत्र कळघम (डीएमके) इतक्या खालच्या पातळीवर गेले आहेत की ते लोकशाही पद्धतीने निवडून आलेल्या पंतप्रधानांचा अपमान करत आहेत।

त्यांनी सांगितले की, राहुल गांधी आणि एम.के. स्टॅलिन यांनी या विधानासाठी माफी मागावी. त्यांच्या मते, अशी टिप्पणी केवळ पंतप्रधानांचाच नव्हे, तर देशातील त्या जनतेचाही अपमान आहे, ज्या जनतेने त्यांना निवडून दिले आहे.

हे ही वाचा:

ट्रम्प यांची जिनपिंग यांच्या नाकात काडी; सातवे आरमार तैवानला खेटले

मल्लिकार्जुन खार्गेंची जीभ घसरली; मोदींचा ‘दहशतवादी’ म्हणून उल्लेख

गाई, वासरांची हत्या करणाऱ्या समीरचा कारावास कायम

अमेरिकेने जप्त केलेल्या इराणी जहाजामध्ये चीनमधून आणलेले क्षेपणास्त्र-संबंधित रसायन?

संबित पात्रांकडून समाचार

भाजप प्रवक्ते आणि लोकसभा खासदार संबित पात्रा यांनीही या वक्तव्यावर टीका करत म्हटले की, ही चूक नसून एक जाणूनबुजून केलेले कटकारस्थान आहे.  त्यांनी आरोप केला की काँग्रेसचे अनेक नेते सातत्याने पंतप्रधानांविरोधात आक्षेपार्ह भाषा वापरत आहेत. पात्रा यांनी असेही म्हटले की अशा प्रकारच्या टिप्पणी राजकीय शिष्टाचाराच्या विरोधात आहेत आणि त्यामुळे देशातील राजकारणाची पातळी घसरते.