तुमच्या कर्माचे फळ तुम्हाला नक्की मिळेल!

- Advertisement -

दिशा सालियनला आपण ओळखत नव्हतो, या आदित्य ठाकरे यांच्या दाव्याची दिशाचे वडील सतीश सालियन यांनी हवा काढली आहे. आदित्य ठाकरे यांनी सातत्याने केलेल्या खोट्या विधानांची जंत्रीच त्यांनी दिली असून तुमच्या कर्माचे फळ तुम्हाला मिळेल असं घणाघात केला आहे.

हिच्या मृत्यू प्रकरणावरून तिचे वडील सतीश सालियन यांच्या वतीने एक प्रसिद्धीपत्रक जारी करून शिवसेना (उबाठा) नेते आदित्य ठाकरे यांच्यावर गंभीर आरोप करण्यात आले आहेत. आदित्य ठाकरेंनी न्यायालयात एफआयआर आणि सीबीआय तपासाला विरोध केला होता, मात्र उच्च न्यायालयाने २ सप्टेंबर २०२६ च्या आदेशान्वये त्यांचा विरोध फेटाळून लावला. तसेच, हे प्रकरण आधीच सर्वोच्च न्यायालयात गेले असून सीबीआयने तपास पूर्ण केला असल्याचा खोटा दावा ठाकरेंच्या वकिलांनी न्यायालयात केला होता, जो सीबीआय पडताळणीत खोटा ठरल्याने वकिलांना न्यायालयाची माफी मागावी लागली होती, याचा पुनरुच्चार केला आहे.

हे ही वाचा:

‘सेबी’च्या पूर्णवेळ सदस्यपदी कमलेश चंद्र वार्ष्णेय यांची पुनर्नियुक्ती

दिशा सालियनला मी कधी भेटलोच नाही!

यूएईकडून ५ हजार बांगलादेशी नागरिकांचा व्हिसा रद्द

शहापूरजवळ कार-ट्रकच्या धडकेत दोन चिमुकल्यांसह चौघांचा मृत्यू

रिया चक्रवर्तीला ओळखत नसल्याचा आदित्य ठाकरेंचा दावा एनसीबीच्या तपासातील चॅट्समुळे खोटा सिद्ध झाल्याचे यात नमूद आहे. मोबाईल टॉवर लोकेशन, ड्रग्ज तस्करीत सहभाग आणि हायड्रोपोनिक वीड सेवनाबाबतचे फोन-सर्व्हेलन्स रेकॉर्ड्स असल्याचा दावा करण्यात आला आहे. ८ जून २०२० रोजी आजोबा माधव पाटणकर यांच्या निधनामुळे मुंबईबाहेर असल्याचे ठाकरेंचे विधानही खोटे ठरले. कारण पाटणकर यांचे निधन १४ जून रोजी झाले होते.

माध्यमांच्या हस्तक्षेपामुळेच हे प्रकरण पुन्हा उघडकीस आले असून, तीव्र सार्वजनिक लक्ष आणि मीडिया स्क्रुटिनीमुळे यंत्रणेवर दबाव आणणे कठीण जात असल्यानेच मीडिया डिबेट्सना विरोध केला जात असल्याचे या पत्रकात म्हटले आहे. सार्वजनिक परीक्षण निष्पक्ष तपासात अडथळा न आणता तपास भरकटवण्याचे प्रयत्न अधिक कठीण करते असे सांगत ‘सत्यमेव जयते’ने पत्राचा शेवट करण्यात आला आहे. या संपूर्ण आरोपांनंतर आता राजकीय वर्तुळातून काय प्रतिक्रिया येते याकडे सर्वांचे लक्ष लागले आहे.