जम्मू आणि काश्मीरचे मुख्यमंत्री ओमर अब्दुल्ला यांनी विरोधी पक्षांकडून ज्या मोठ्या मुद्द्यावरून टीका केली जाते त्यावर भाष्य केले आहे. त्यांनी ईव्हीएम हॅकिंगवर भाष्य केले आहे. नवी दिल्लीतील ‘हिंदुस्तान टाईम्स लीडरशिप समिट’मध्ये बोलताना अब्दुल्ला म्हणाले की, ते ईव्हीएम हॅक केले जाऊ शकतात असे मानणाऱ्यांपैकी नाहीत. त्यांनी पुढे म्हटले की ते या मुद्द्यावर त्यांचे वडील (फारूक अब्दुल्ला) यांच्याशी सहमत नाहीत.
ओमर म्हणाले की, “मला वाटत नाही की ईव्हीएममध्ये काही फसवणूक आहे. घरीही मला त्रास होतो कारण माझ्या वडिलांना वाटते की, फसवणूक आहे. जर ते हे पाहत असतील तर मी त्यांची माफी मागतो, पण ते त्या पिढीतील आहेत जिथे ते त्यांच्या फोनवर येणाऱ्या प्रत्येक गोष्टीवर विश्वास ठेवतात. पण मी ते मानत नाही.” असे ते म्हणाले.
यापूर्वी, ओमर अब्दुल्ला यांनी इंडी आघाडीबद्दल चिंता व्यक्त केली होती. ते म्हणाले, “आपल्याला एकत्र राहावे लागेल किंवा आपण राज्य-दर-राज्य आधारावर निवडणुका लढवू शकतो, प्रत्येक राज्यात स्वतंत्र युती करू शकतो.” ते पुढे म्हणाले की, प्रादेशिक पक्षांनी कितीही आग्रह धरला तरी, केंद्रीय स्तरावरील युतीसाठी काँग्रेसला सामील व्हावे लागेल. काँग्रेसभोवती एक युती तयार केली जाईल, कारण भाजपाव्यतिरिक्त हा एकमेव पक्ष आहे ज्याचा देशभर प्रभाव आहे.
हेही वाचा..
निकषांपेक्षा जास्त विमान प्रवास भाडे आकारल्यास कारवाई करणार!
मालमत्ता गोठवल्या, कंपन्यांवर घातली बंदी; खलिस्तानी गटांविरुद्ध ब्रिटनची कारवाई
“पाक लष्करप्रमुख फील्ड मार्शल असीम मुनीर यांना अटक करा!”
पाकिस्तान- अफगाणिस्तान संघर्ष पुन्हा पेटला; सीमा भागात गोळीबार
भाजपच्या निवडणूक रणनीतीचे कौतुक करताना ओमर म्हणाले की, त्यांचे नेते प्रत्येक निवडणूक पूर्ण ताकदीने लढतात. ते असे लढतात की जणू त्यांचे जीवन त्यावर अवलंबून आहे. बिहार निवडणुकीनंतर, ते निघून जातात आणि पुढील निवडणुका घेऊन राज्यांमध्ये जातात, परंतु आपण निवडणुकीच्या दोन महिने आधी तिथे पोहोचतो. याचा परिणाम निवडणूक निकालांवर होतो.
