राज्यात मराठा समाजाच्या आंदोलनाने उग्र रूप धारण केले आहे. या पार्श्वभूमीवर शुक्रवारी रात्री राज्य सरकारने आंदोलनप्रमुख मनोज जरांगे यांच्या मागणीसंदर्भात अध्यादेशाचा मसुदा जाहीर केला आहे. मुख्यमंत्री एकनाथ शिंदे यांनी जरांगे यांच्या मागण्यांवर चर्चा करण्यासाठी अधिकाऱ्यांसोबत बैठक घेतली आणि रात्री उशिरा कार्यकर्त्यांसोबत चर्चा करण्यासाठी अध्यादेशाच्या मसुद्यासोबत प्रतिनिधीमंडळ पाठवले आहे.
हजारो समर्थकांसह नवी मुंबईत आलेल्या जरांगे यांनी या निर्णयाबाबत समाधान व्यक्त केले आहे. ‘मुख्यमंत्री शिंदे यांनी हे चांगले काम केले आहे. आमचा विरोध आता संपला आहे. राज्य सरकारने आमच्या मागण्या मान्य केल्या आहेत. आम्ही त्यांचे पत्र स्वीकारतो. मी शनिवारी मुख्यमंत्री शिंदे यांच्या हाताने ज्यूस पिऊन हे आंदोलन संपवेन,’ अशी प्रतिक्रिया जरांगे यांनी दिली आहे.
‘मनोज जरांगे पाटील यांच्या नेतृत्वातील मराठा आरक्षण आंदोलनावर तोडगा निघाला आहे. शुक्रवारी जाहीर झालेल्या अध्यादेशामध्ये सर्व समस्यांवर तोडगा आहे,’ अशी प्रतिक्रिया राज्याचे मंत्री मंगलप्रभात लोढा यांनी दिली.
मुख्यमंत्री कार्यालयाच्या प्रतिनिधीमंडळात सामाजिक न्यायविभागाचे सचिव सुमंत भांगे, औरंगाबादचे आयुक्त मधुकर अरंगळ, मुख्यमंत्र्यांचे खासगी सचिव अमोल शिंदे यांच्यासह अन्य सहभागी आहेत.
हे ही वाचा:
मोइज्जू यांना झाली जुन्या मैत्रीची आठवण, प्रजासत्ताक दिनाच्या भारताला दिल्या शुभेच्छा!
प्रजासत्ताक दिनी महिला शक्तीचे दिसले सामर्थ्य
प्रजासत्ताकदिनी कर्तव्यपथावर झळकला ‘शिवराज्याभिषेक सोहळ्याचा चित्ररथ’!
पद्म पुरस्कारांत अनोख्या कामगिरीची दखल पहिली महिला माहूत ते दिव्यांग कार्यकर्ता
जरांगे यांनी दक्षिण मुंबईतील आझाद मैदानात उपोषण करण्याचा निर्धार केला होता. रात्रीपर्यंत त्यांच्या मागण्या मान्य न झाल्यास ते त्यांच्या समर्थकांसह मुंबईत प्रवेश करतील, असा इशारा जरांगे यांनी दिला होता. शुक्रवारी वाशीतील शिवाजी चौक येथे झालेल्या सभेत जरांगे यांनी ते आता केवळ पाणी पित असल्याचे जाहीर केले होते.
