मराठीचे खरे मारेकरी…ही पेंग्विन सेना!

महाराष्ट्रातील सत्ताधारी असणारे शिवसेनेने कायमच मराठी माणसाचा मुद्दा पुढे करत राजकारण करायचा प्रयत्न केला. पण त्याच मुद्द्यावरून आता शिवसेनेला कोंडीत पकडण्याचा प्रयत्न विरोधकांकडून होताना दिसत आहे. मराठी माणसाच्या मुद्द्यावरून सध्या भारतीय जनता पार्टी आक्रमक झाली असून भाजपा नेते आमदार नितेश राणे यांनी शिवसेनेवर प्रहार केला आहे.

सोमवार, २ ऑगस्ट रोजी राणे यांनी ट्विटरच्या माध्यमातून शिवसेनेवर तोफ डागली आहे. ‘मराठीचे खरे मारेकरी ही पेंग्विन सेना’ असे म्हणत ‘माननीय बाळासाहेबांची शिवसेना आता आहे कुठे?’ असा सवाल नितेश राणे यांनी विचारला आहे.

हे ही वाचा:

फ्रेंडशिप डे च्या अँबेसेडरवर चीनमध्ये का आहे बंदी?

भारतीय महिला हॉकीपटूंची ऐतिहासिक कामगिरी! उपांत्य फेरीत धडक

…म्हणून साजरा झाला ‘मुस्लिम महिला हक्क दिन’

कोरेगाव भीमा खटल्यावरून न्यायमुर्ती शिंदेंना हटवण्याची मागणी! वाचा काय आहे कारण

काय म्हणाले राणे?
नितेश राणे यांनी सकाळीच एकूण चार ट्विट करत शिवसेनेवर निशाणा साधला आहे. ‘शिवसेनेतील बाटग्यांच्या महामंडळाची यादी तशी लांब आहे’ असे लिहिताना नितेश राणे यांनी टीकास्त्र डागले आहे. यामध्ये अब्दुल सत्तार उदय सामंत यांना दिलेले मंत्रीपद, प्रियंका चतुर्वेदींना दिलेली खासदारकी, राहुल कनाल यांना दिलेली शिर्डी संस्थेची जबाबदारी यावर राणे यांनी भाष्य केले आहे. तर ‘डाके, रावते, रामदास कदम, शिवतारे, राजन साळवी, सुनील शिंदे यांच्यासारखे जुने शिवसैनिक दिसणार नाहीत’ असे नितेश राणे यांनी लिहिले आहे.

शिवसेनेतील बाटग्यांचे महामंडळची यादी तशी लांब आहे.. पण थोडी माहिती साठी..
सचिन आहीर – bks ची जबाबदारी
राहुल कनाल – शिर्डी संस्था
आदेश बांदेकर – सिद्धिविनायक संस्था
उदय सामंत – कॅबिनेट मंत्री
अब्दुल सत्तार – मंत्री
प्रियांका चतुर्वेदी – खासदार
यादी मोठी आहे..
इथे कुठेही..

— nitesh rane (@NiteshNRane) August 2, 2021

डाके..रावते..रामदास कदम..शिवतारे..राजन साळवी, सुनील शिंदे दिसणार नाहीत सारखे जुने सैनिक दिसणार नाहीत..
स्वतः पवारांची लोम्बते होऊन चमकायचे आणि दुसऱ्यांना मोठी मोठी भाषण द्यायची!! @rautsanjay61

— nitesh rane (@NiteshNRane) August 2, 2021

मराठी माणसाची संघटना म्हणे. पण मग बेस्टच्या जागा कनाकिया, बीएमसी कॉन्ट्रॅक्ट दिनो, इथे कुठे मराठी माणूस का दिसत नाही? असाही हल्लाबोल नितेश राणे यांनी केला आहे.

मराठी माणसाची संघटना म्हणे..
मग..
BEST च्या जागा – कनाकीय
Bmc कॉन्ट्रॅक्ट – दिनो
रात्रीच्या पार्ट्या – पटानी ..कपुर .. Jaqueline..
इथे कुठे शाखा प्रमुख दिसत नाहीत ?
मराठी माणूस दिसत नाही ?

— nitesh rane (@NiteshNRane) August 2, 2021

तर नव्या शिवसेनेचा आणि मराठीचा संबंध काय? असा सवालही राणे यांनी विचारला आहे. आधी मराठी माणूस मुंबईतून हद्दपार केला मराठीचे खरे मारेकरी ही पेंग्विन सेनाच असा घणाघात राणेंनी केला आहे.

नव्या शिवसेनेचा आणि मराठीचा संबंध काय ?? आधी मराठी माणूस मुंबईमधून हद्दपार केला .. मराठीचे खरे मारेकरी … ही पेंग्विनची सेना … मा.बाळासाहेब यांची सेना आहे कूठे ??

— nitesh rane (@NiteshNRane) August 2, 2021