महुआ मोईत्रांचे डोके फिरले; म्हणाल्या अमित शहांचे डोके छाटा!

तृणमूल काँग्रेसच्या खासदार महुआ मोइत्रा यांनी केंद्रीय गृहमंत्री अमित शाह यांच्यावर केलेल्या वादग्रस्त वक्तव्यामुळे राजकीय वादळ उठले आहे. एका कार्यक्रमात बोलताना त्यांनी, “अमित शाह यांचे डोके कापून टेबलावर ठेवावे” असे विधान केल्याचा आरोप आहे.

भाजपची तीव्र प्रतिक्रिया

भाजपने या विधानाला “घृणास्पद व द्वेषपूर्ण” ठरवत तीव्र निषेध नोंदवला आहे. पक्षाने पश्चिम बंगालच्या कृष्णनगर येथील कोतवाली पोलीस ठाण्यात अधिकृत तक्रार दाखल केली आहे.

भाजप नेत्यांनी विचारले की, हे वक्तव्य तृणमूल काँग्रेसची अधिकृत भूमिका आहे का?

हे ही वाचा:

हॉकी आशिया कप: भारताचा चीनवर ४–३ ने रोमांचक विजय!

चिंता कशाला भारत आहे ना ! अमेरिकेच्या बसमधून उतरण्याचे जपानचे संकेत…

भारत हा अखंड “हिंदूराष्ट्र” आहे ! वेगळी घोषणा करण्याची आवश्यकता नाही

“पुतिनला पाठिंबा देण्याची किंमत भारताला भोगावी लागत आहे”

 महुआ मोइत्रा यांचा आरोप

नादिया जिल्ह्यातील एका कार्यक्रमात बोलताना त्यांनी केंद्र सरकारवर सीमेच्या सुरक्षेकडे दुर्लक्ष केल्याचा आरोप केला.

मोइत्रा म्हणाल्या, “ते वारंवार घुसखोरांबद्दल बोलतात; पण भारताची सीमा पाच सुरक्षा दलांनी राखली जाते आणि त्याची थेट जबाबदारी गृहमंत्रालयाची आहे.”

त्यांनी पंतप्रधान नरेंद्र मोदींच्या स्वातंत्र्य दिनाच्या भाषणाचा उल्लेख करत म्हटले की, “पीएम स्वतः लाल किल्ल्यावरून म्हणाले की घुसखोरीमुळे लोकसंख्येतील बदल होत आहेत. पण त्याच वेळी त्यांचे गृहमंत्री पहिल्या रांगेत उभे राहून हसत व टाळ्या वाजवत होते.”

सोशल मीडियावर वाद वाढला

भाजपच्या पश्चिम बंगाल युनिटने एक्स (माजी ट्विटर) वर मोइत्रा यांचा फोटो व वादग्रस्त विधानाचा उल्लेख करत त्यांच्यावर हल्ला चढवला.त्यामुळे तृणमूल खासदारावरील दबाव अधिक वाढला आहे. 

तृणमूल काँग्रेसची गूढ शांतता

या प्रकरणावर तृणमूल काँग्रेसच्या नेतृत्वाने अद्याप कोणतीही अधिकृत प्रतिक्रिया दिलेली नाही. पक्ष मौन बाळगून असल्यामुळे वाद आणखी गडद झाला आहे.