25 C
Mumbai
Sunday, November 22, 2026
घरस्पोर्ट्सअभिषेक शर्मा रुग्णालयात दाखल

अभिषेक शर्मा रुग्णालयात दाखल

Google News Follow

टी२० विश्वचषकातील १२ फेब्रुवारी रोजी नामिबियाविरुद्ध होणाऱ्या सामन्यापूर्वी भारतीय संघाला धक्का बसला आहे. सलामीवीर अभिषेक शर्मा यांना पोटाच्या संसर्गामुळे दिल्लीतील खासगी रुग्णालयात दाखल करण्यात आले असून त्यांच्या सहभागाबाबत अनिश्चितता निर्माण झाली आहे.

अभिषेक यांना काही दिवसांपासून पोटाचा त्रास होत होता. यूएसएविरुद्धच्या सामन्यानंतर त्यांची प्रकृती अधिक बिघडल्याचे समजते. त्यांना ताप आल्याने वैद्यकीय उपचारासाठी तातडीने रुग्णालयात हलवण्यात आले. सध्या त्यांच्या विविध वैद्यकीय चाचण्या सुरू आहेत. त्यांना कधी डिस्चार्ज देण्यात येईल, याबाबत अधिकृत माहिती देण्यात आलेली नाही.

यूएसएविरुद्धच्या सामन्यात अभिषेक पहिल्याच चेंडूवर बाद झाले होते. दुसऱ्या डावात त्यांच्या जागी संजू सॅमसन क्षेत्ररक्षणासाठी उतरले होते. सामना संपल्यानंतरही अभिषेक मैदानावर परतले नव्हते.

दरम्यान, भारतीय संघाचे सहाय्यक प्रशिक्षक रायन टेन डोएशेट यांनी मंगळवारी माध्यमांशी बोलताना सांगितले की, अभिषेक यांना पोटाचा त्रास असून ते लवकर बरे होतील, अशी अपेक्षा आहे. मात्र नामिबियाविरुद्धच्या सामन्यासाठी ते उपलब्ध राहतील का, याबाबत स्पष्टता दिलेली नाही.

अभिषेक खेळू शकले नाहीत तर संजू सॅमसन यांना ईशान किशनसोबत डावाची सुरुवात करण्याची संधी मिळू शकते.

याशिवाय, वॉशिंग्टन सुंदर संघात दाखल झाले असून ते सराव सत्रात सहभागी होणार आहेत. जसप्रीत बुमराह १० दिवसांच्या विश्रांतीनंतर पुन्हा गोलंदाजी करत असून त्यांच्या प्रकृतीत सुधारणा झाल्याची माहिती संघ व्यवस्थापनाने दिली आहे.

National Stock Exchange
spot_img

प्रतिक्रिया द्या

कृपया आपली टिप्पणी द्या!
कृपया येथे आपले नाव प्रविष्ट करा

The reCAPTCHA verification period has expired. Please reload the page.

आम्हाला follow करा

113,459चाहतेआवड दर्शवा
2,036अनुयायीअनुकरण करा
342,000सदस्य यादीसदस्य व्हा

इतर नवीनतम कथा