पंतप्रधान नरेंद्र मोदी यांनी लक्षद्वीपच्या भेटीची छायाचित्रे पोस्ट केल्यानंतर आणि या बेटाला पर्यटन स्थळ म्हणून प्रसिद्ध केल्यानंतर मालदीवमधील युवा सशक्तीकरण उपमंत्री मरियम शिउना यांनी एक्सवरील आता हटविलेल्या पोस्टमध्ये पंतप्रधान मोदी यांच्या बाबत आक्षेपार्ह लिखाण केले होते. त्यावर आलेल्या प्रतीक्रियेनंतर आता ट्विट काढून टाकण्यात आले आहे..
हेही वाचा..
आंध्रप्रदेश: कोंबड्यांना धान्याऐवजी खायला दिले जाते वायग्रा आणि शिलाजीत!
एमटीएचएल’पाठोपाठ जानेवारीअखेर कोस्टल रोडचा पहिला टप्पा खुला होणार
बिल्किस बानो प्रकरणातील दोषींच्या मुक्ततेप्रकरणी सोमवारी निकाल
भारतीय उच्चायुक्तांनी हे प्रकरण माले येथील मोहम्मद मुइज्जू यांच्या नेतृत्वाखालील सरकारकडे मांडले आहे. मालदीवचे माजी राष्ट्रपती मोहम्मद नशीद यांनीही मरियम शियुना यांच्या पंतप्रधान मोदींविरोधात केलेल्या अपमानास्पद वक्तव्याचा निषेध केला आणि त्याला ‘भयानक भाषा’ म्हटले. शिउना व्यतिरिक्त, खासदार झाहिद रमीझसह मालदीवच्या इतर अधिकार्यांनी पंतप्रधान मोदींच्या लक्षद्वीप दौऱ्याची खिल्ली उडवली होती. फोटो सोशल मीडियावर मोठ्या प्रमाणात लक्ष वेधून घेतल्यानंतर अनेकांनी त्याची मालदीवशी तुलना केली. या टिप्पण्यांमुळे मालदीवच्या अधिकार्यांवर तीव्र टीका झाली असून अनेकांनी मालदीववर बहिष्कार घालण्याचे आवाहन केले आहे. मालदीव सरकारने रविवारी एका निवेदनात मरियम शिउना यांनी पंतप्रधान नरेंद्र मोदींविरुद्ध केलेले अपमानजनक वक्तव्य नाकारले आणि ते मालदीव सरकारच्या विचारांचे प्रतिनिधित्व करत नसल्याचे म्हटले आहे.
मालदीव सरकारला सोशल मीडिया प्लॅटफॉर्मवर परदेशी नेते आणि उच्चपदस्थ व्यक्तींविरुद्ध अपमानास्पद टिप्पणीची जाणीव आहे. ही मते वैयक्तिक आहेत आणि मालदीव सरकारच्या विचारांचे प्रतिनिधित्व करत नाहीत, असे निवेदनात म्हटले आहे. सरकारचा असा विश्वास आहे की अभिव्यक्ती स्वातंत्र्याचा वापर लोकशाही आणि जबाबदारीने केला पाहिजे आणि द्वेष, नकारात्मकता पसरवणार नाही आणि मालदीव आणि त्याचे आंतरराष्ट्रीय भागीदार यांच्यातील घनिष्ठ संबंधांना अडथळा आणू नये, असे त्यात म्हटले आहे. त्यात पुढे असेही म्हटले आहे की, मालदीवचे सरकारी अधिकारी पंतप्रधान मोदींविरोधात अशी अपमानास्पद टिप्पणी करणाऱ्या लोकांवर कारवाई करण्यास कचरणार नाहीत.