वक्फ विध्येयकाबाबत उत्तर प्रदेशात अलर्ट, पोलिसांच्या सुट्ट्या रद्द!

वक्फ विधेयकाबाबत उत्तर प्रदेशात अलर्ट जारी करण्यात आला आहे. सर्व पोलिसांच्या सुट्ट्या रद्द करण्यात आल्या आहेत. रजेवर गेलेल्या पोलिसांना तात्काळ कर्तव्यावर रुजू होण्याचे आदेश देण्यात आले आहेत. तसेच, सर्व जिल्ह्यांतील पोलिस अधिकाऱ्यांना संवेदनशील आणि मिश्र लोकसंख्या असलेल्या भागात गस्त घालण्याचे आदेश देण्यात आले आहेत.

डीजीपी प्रशांत कुमार यांनी आपल्या आदेशात म्हटले की, राज्यातील कायदा आणि सुव्यवस्था राखणे ही सर्वोच्च प्राथमिकता आहे. अशा परिस्थितीत, काल संध्याकाळपासूनच संपूर्ण राज्यात गस्त वाढवण्याचे आदेश पोलिस दलाला देण्यात आले आहेत. वक्फ विधेयकाबाबत होणारे संभाव्य निषेध आणि निदर्शने लक्षात घेऊन हे पाऊल उचलण्यात आल्याचे सांगण्यात येत आहे.

संसदेत वक्फ विधेयकावर चर्चा सुरू आहे. अनेक राजकीय पक्ष आणि धार्मिक संघटना याविरुद्ध आवाज उठवत आहेत. अशा परिस्थितीत, ४ मार्च रोजी शुक्रवारच्या नमाजाच्या पार्श्वभूमीवर उत्तर प्रदेशात विशेष दक्षता बाळगली जात आहे. यासाठी राज्यात अलर्ट जारी करण्यात आला आहे.

डीजीपी प्रशांत कुमार यांनी सर्व संवेदनशील जिल्ह्यांतील पोलिस अधिकाऱ्यांना सक्रिय राहण्याचे आणि सार्वजनिक ठिकाणी पोलिस गस्त घालण्याचे निर्देश दिले आहेत. कोणत्याही प्रकारची हलगर्जीपणा दाखवू नये असे कडक आदेश देण्यात आले आहेत. सोशल मीडियावरही पोलीस लक्ष ठेवून आहेत.

हे ही वाचा : 

मुस्लिमांची प्रगती बघवत नाही म्हणून वक्फ विधेयकाला विरोध

तो पाच दिवस इमारतीच्या ढिगाऱ्याखाली जिवंत होता…

बड्या उद्योगपतीच्या हत्येचा कट उधळला, बिष्णोई टोळीच्या पाच सदस्यांना अटक

ममतांबद्दल दया माया नाही; शिक्षक भरती प्रक्रिया रद्दच, ‘सर्वोच्च’ शिक्कामोर्तब!

दरम्यान, बुधवारी (२ एप्रिल) लोकसभेत वक्फ दुरुस्ती विधेयक मंजूर झाले. हे विधेयक आज राज्यसभेत सादर केले जाईल. तिथेही वक्फ विधेयक मंजूर होईल अशी आशा आहे. या विधेयकाविरोधात अनेक मुस्लिम संघटना आणि विरोधी पक्ष निषेध करत आहेत. अनेक ठिकाणी निदर्शनेही झाली.