नितीन चौहानांच्या विजयाची नांदी; अतुल भातखळकरांच्या हस्ते प्रचार कार्यालय सुरू

- Advertisement -

वॉर्ड क्रमांक २९ मध्ये भारतीय जनता पक्ष–शिवसेना–रिपब्लिकन पार्टी ऑफ इंडिया (आठवले) महायुतीचे अधिकृत उमेदवार श्री. नितीन चौहान यांच्या निवडणूक प्रचार कार्यालयाचे उद्घाटन उत्साहपूर्ण वातावरणात पार पडले. हे उद्घाटन माझ्या हस्ते करण्यात आले. यावेळी परिसरातील मोठ्या संख्येने मतदार नागरिक, स्थानिक कार्यकर्ते, पदाधिकारी तसेच विविध सामाजिक घटकांचे प्रतिनिधी उपस्थित होते.

उद्घाटनानंतर उपस्थित मतदार नागरिक बंधू-भगिनींशी संवाद साधण्यात आला. या संवादात वॉर्ड क्रमांक २९ च्या सर्वांगीण विकासासाठी महायुतीची भूमिका, भविष्यातील विकास आराखडा आणि नागरिकांच्या मूलभूत प्रश्नांबाबत सविस्तर चर्चा करण्यात आली. रस्ते, पाणीपुरवठा, स्वच्छता, आरोग्य, शिक्षण तसेच युवकांसाठी रोजगाराच्या संधी या मुद्द्यांवर विशेष भर देण्यात आला.

यावेळी बोलताना मी नागरिकांना आवाहन केले की, येत्या १५ जानेवारी २०२६ रोजी होणाऱ्या मतदानाच्या दिवशी महायुतीचे उमेदवार श्री. नितीन चौहान यांना विश्वासाने साथ द्यावी. अनुभवी नेतृत्व, स्वच्छ प्रतिमा आणि विकासाभिमुख दृष्टीकोन असलेले उमेदवार म्हणून नितीन चौहान यांना बहुमताने निवडून देण्याचे आवाहन करण्यात आले.

महायुतीच्या माध्यमातून वॉर्ड क्रमांक २९ मध्ये विकासाची गती अधिक वेगवान होईल, असा विश्वास यावेळी व्यक्त करण्यात आला. नागरिकांनीही आपल्या समस्या आणि अपेक्षा मांडत सकारात्मक प्रतिसाद दिला. संपूर्ण कार्यक्रमात उत्साहाचे आणि एकजुटीचे वातावरण पाहायला मिळाले.

या उद्घाटनामुळे वॉर्ड क्रमांक २९ मधील निवडणूक प्रचाराला नवसंजीवनी मिळाल्याचे चित्र स्पष्टपणे दिसून आले.