कुस्तीपटू बजरंग पुनिया चार वर्षांसाठी निलंबित!

नाडाने (National Anti Doping Agency) भारतीय स्टार कुस्तीपटू बजरंग पुनियावर कडक कारवाई केली आहे. नाडाने त्याच्यावर ४ वर्षांची बंदी घातली आहे. डोपिंगविरोधी संहितेचे उल्लंघन केल्यामुळे बजरंग पुनियावर चार वर्षांच्या बंदीची कारवाई करण्यात आली आहे.

बजरंग पुनियाने राष्ट्रीय संघासाठी निवड चाचणी दरम्यान डोप चाचणीसाठी नमुना देण्यास नकार दिल्याने नाडाने ही कारवाई केली. या गुन्ह्यासाठी नाडाने प्रथम बजरंगला २३ एप्रिल रोजी निलंबित केले होते. त्यानंतर जागतिक कुस्ती महासंघने (United World Wrestling) देखील त्याला निलंबित केले. त्यानंतर बजरंगने निलंबनाविरोधात दाद मागितली होती. नाडाने आरोपांची नोटीस जारी करेपर्यंत नाडाच्या अनुशासनात्मक डोपिंग पॅनेलने (ADDP) ३१ मे रोजी ते रद्द केले. यानंतर NADA ने २३ जून रोजी कुस्तीपटूला नोटीस पाठवली.

बजरंग पुनियाने ११ जुलै रोजी लेखी निवेदनाद्वारे या आरोपाला आव्हान दिले. यानंतर २० सप्टेंबर आणि ४ ऑक्टोबर रोजी सुनावणी झाली. नाडाच्या अनुशासनात्मक डोपिंग पॅनेलने सुनावणीनंतर आपल्या आदेशात म्हटले की, ऍथलीट कलम १०.३.१ अंतर्गत मंजूरींना जबाबदार आहे आणि ४ वर्षांच्या कालावधीसाठी अपात्रतेसाठी जबाबदार आहे. या निलंबनाचा अर्थ असा आहे की, बजरंग स्पर्धात्मक कुस्तीमध्ये परत येऊ शकणार नाही आणि त्याला हवे असल्यास तो परदेशात कोचिंग नोकरीसाठी अर्जही करू शकणार नाही.

हे ही वाचा : 

मुस्लिम मते जिथे जिथे, उबाठाचा विजय तिथे तिथे!

‘जम्मू-काश्मीरमध्ये पहिल्यांदाच संविधान दिन साजरा’

‘निवडणूक जिंकल्यावर ईव्हीएम चांगलं, हरल्यावर ईव्हीएममध्ये गडबड’

हेमंत सोरेन यांनी सपत्नीक घेतले नरेंद्र मोदींचे आशीर्वाद!