पहलगाम हल्ल्याच्या विरोधात भोपाळ बंद

जम्मू-कश्मीरमधील पहलगाम येथे पर्यटकांवर झालेल्या दहशतवादी हल्ल्याच्या निषेधार्थ संपूर्ण देशात संताप उसळला आहे. विविध ठिकाणी निषेध प्रदर्शन सुरु आहेत. मध्य प्रदेशची राजधानी भोपाळमध्येही व्यापारी संघटनांच्या आवाहनावरून शनिवारी अर्ध्या दिवसासाठी बाजारपेठा बंद करण्यात आल्या आहेत.

राजधानीतील बाजारपेठांमध्ये शनिवारी सकाळपासून शांतता पसरली आहे. आवश्यक सेवांशी संबंधित दुकाने वगळता बाकी सर्व दुकाने बंद आहेत. पेट्रोल पंप, दूध आणि औषधांच्या दुकाना नेहमीप्रमाणे सुरु आहेत. बाकी सर्व ठिकाणी दुकाने बंद असून रस्ते ओस पडलेले दिसत आहेत. सकाळी फक्त शाळेच्या बस आणि शाळेत जाणारी मुलेच दिसत होती. भोपाळ चेंबर ऑफ कॉमर्स अँड इंडस्ट्रीजच्या आवाहनावर शहरातील विविध व्यापारी संघटनांनी आपापले प्रतिष्ठान बंद ठेवून पाठिंबा दर्शवला आहे. विविध संघटनांसह सामान्य व्यापार्‍यांनीही या बंदला पूर्ण पाठिंबा दिला आहे. व्यापारी आपल्या दुकांनांवर पोहोचले असले तरी दुकाने उघडलेली नाहीत. राजधानीत तीनपेक्षा अधिक मेडिकल स्टोअर्स सुरू आहेत, तसेच दूध, चहा-नाश्त्याची दुकाने सुरू राहतील, याची व्यवस्था बंदचे आवाहन करणाऱ्या संघटनांनी केली आहे.

हेही वाचा..

देशातल्या मुली दोन पावले पुढे

पहलगाम हल्ल्याला उत्तर देणे गरजेचे

‘उडान’ : १.४९ कोटींहून अधिक प्रवाशांना लाभ

मुंबईच्या लोखंडवालामध्ये इमारतीत आग

राज्यात पहलगाम हल्ल्याच्या निषेधार्थ आंदोलन सुरूच आहे. शुक्रवारलाही अनेक ठिकाणी निषेध मोर्चे काढण्यात आले. काही ठिकाणी कॅंडल मार्चचे आयोजन करण्यात आले आणि नागरिकांनी आपला संताप व्यक्त केला. शुक्रवारला राजधानीत विश्व हिंदू परिषद आणि बजरंग दल यांनी संयुक्तपणे बोर्ड ऑफिस चौकात निषेध प्रदर्शन केले आणि दहशतवादाचा पुतळा जाळला.

मंगळवारी जम्मू-कश्मीरच्या पहलगाम येथे पर्यटकांवर दहशतवाद्यांनी अचानक हल्ला केला होता, ज्यात २७ पर्यटकांचा मृत्यू झाला. या घटनेनंतर देशभरात संतापाची लाट उसळली असून नागरिक सातत्याने निषेध व्यक्त करत आहेत. राज्यातील इतर भागांमध्येही व्यापाऱ्यांनी आपले प्रतिष्ठान बंद करून आपला विरोध नोंदवला आहे.