29 C
Mumbai
Tuesday, September 27, 2022
घरविशेषआमदार अतुल भातखळकर यांच्या प्रयत्नाने चाकरमान्यांसाठी बसेस

आमदार अतुल भातखळकर यांच्या प्रयत्नाने चाकरमान्यांसाठी बसेस

कांदिवली पूर्वमधून निघाल्या गणेशभक्तांसाठी दहा एसटीबस

Related

कोकणवासियांसाठी अत्यंत जिव्हाळ्याचा सण म्हणजे होळी आणि गणेशोत्सव. या उत्सवासाठी आपआपल्या गावी जाण्यासाठी कांदिवली पूर्व विधानसभेचे आमदार अतुल भातखळकर यांच्यातर्फे प्रती प्रवाशी दोनशे रुपयांमध्ये एसटीची बससेवा उपलब्ध करून देण्यात आली. सोमवारी सायंकाळी दहा बसेस रवाना करण्यात आल्या. अत्यंत उत्साहात आणि भक्तिमय वातावरणात कोकणवासियांनी “गणपती बाप्पा मोरया”चा जयघोष करत गावी प्रस्थान केले.

गेल्या दोन वर्षात कोरोना महामारीमुळे महाविकास आघाडीने जे निर्बंध घातले होते. या कारणाने गेली दोन वर्ष मुंबईकर गणेशोत्सवासाठी आपल्या गावी जाऊ शकला नव्हता. यंदा हे निर्बंध भाजपा-सेनेच्या सरकारने पूर्णपणे उठवून निर्बंधमुक्त सण साजरे करा, असे जाहीर केले होते.

वर्षातील महत्त्वाचा असलेला गणेशोत्सव सण गावी साजरा करता यावा. यासाठी अत्यंत कमी दरामध्ये ही बससेवा उपलब्ध करून देण्यात आली आहे. पोईसर येथून सावंतवाडी, कणकवली, गुहागर, राजापूर, देवगड, कत्नागिरी, महाड या ठिकाणी गणेशभक्त रवाना झाले.

हे ही वाचा:

देश बदलणारं बेट !

मंद घोडा, जुना स्वार; याच्या लत्ता त्याचे बुक्के, सब घोडे बाराटक्के

गणेशभक्तांनो या पुलावरून जाताना घ्या काळजी

१०० फूट वर, १०० फूट खाली

 

याबाबत बोलताना आमदार अतुल भातखळकर म्हणाले, कोरोना संकटामुळे गेली दोन वर्ष कोणताही सण, उत्सव साजरा करता आला नाही. मुख्यमंत्री एकनाथ शिंदे आणि उपमुख्यमंत्री देवेंद्र फडणवीस यांच्या सरकारने यंदा सण, उत्सवावरील निर्बंध हटवल्यामुळे लोकांमध्ये उत्साह आहे. माझ्या कांदिवली पूर्व विधानसभेत राहणाऱ्या कोकणवासियांसाठी ही बससेवा उपलब्ध करून देण्यात आल्याने सर्व गणेशभक्त समाधानी आहेत.

गणेशोत्सव काळात एसटी आणि रेल्वेचे आरक्षण फुल झालेले दिसते. आरक्षण सहा महिने अगोदर फूल झालेले असते. प्रवाशांची ही गर्दी लक्षात घेऊन गणपतीसाठी खास एसटी बसेस गणेशभक्तांसाठी उपलब्ध करून दिल्या गेल्या. गणेशोत्सवासाठी कोकणात मोठ्या प्रमाणात चाकरमानी आपल्या गावी पोहोचतात. वाढती गर्दी लक्षात घेता गाड्यांची संख्या अपूरी पडते. गणेशभक्तांचा प्रवास सुखकर व्हावा यासाठी आमदार अतुल भातखळकर यांनी या बसेसची व्यवस्था करून गणपतीभक्तांना दिलासा दिला आहे.

spot_img

लेखकाकडून अधिक

प्रतिक्रिया द्या

कृपया आपली टिप्पणी द्या!
कृपया येथे आपले नाव प्रविष्ट करा

आम्हाला follow करा

49,965चाहतेआवड दर्शवा
1,942अनुयायीअनुकरण करा
40,400सदस्य यादीसदस्य व्हा

इतर नवीनतम कथा