मुख्य निवडणूक आयुक्त ज्ञानेश कुमार २०२६ साठी आंतरराष्ट्रीय लोकशाही आणि निवडणूक सहाय्यता संस्था (इंटरनॅशनल आयडीईए) चे अध्यक्ष होतील. ३ डिसेंबर २०२५ रोजी स्टॉकहोम, स्वीडन येथे होणाऱ्या सदस्य देशांच्या परिषद बैठकीत ते या पदाचा कार्यभार स्वीकारतील. अध्यक्ष म्हणून २०२६ दरम्यान सर्व परिषद बैठकींचे नेतृत्व देखील ज्ञानेश कुमार करतील. इंटरनॅशनल आयडीईए ही एक आंतर-सरकारी संस्था असून, तिची स्थापना १९९५ मध्ये झाली. जगभरातील लोकशाही संस्था आणि प्रक्रियांना बळकटी देणे हे तिचे मुख्य उद्दिष्ट आहे. सध्या या संस्थेत ३५ सदस्य देश आहेत, तर अमेरिका आणि जपान यांना निरीक्षकाचा दर्जा देण्यात आला आहे. समावेशक, सक्षम आणि जबाबदार लोकशाही व्यवस्थांना प्रोत्साहन देण्याचे कार्य ही संस्था करते.
भारताची अध्यक्षता ही जगभरातील भारताच्या निवडणूक व्यवस्थेच्या ओळखी आणि यशाची मोठी निशाणी मानली जाते. भारताने या संस्थेच्या कार्यपद्धती, लोकशाही संवाद आणि संस्थात्मक उपक्रमांमध्ये सुरुवातीपासूनच महत्त्वाची भूमिका बजावली आहे. ज्ञानेश कुमार यांच्या नेतृत्वाखाली भारताचे उद्दिष्ट जागतिक स्तरावर निवडणूक सुधारांना चालना देणे आणि संस्थेच्या जागतिक अजेंड्याला दिशा देणे आहे. भारताचा निवडणूक आयोग हा जगातील सर्वात मोठा आणि सर्वात विश्वासार्ह निवडणूक व्यवस्थापन संस्था आहे. आयोग आपल्या उत्तम पद्धती आणि नवकल्पना जगभरातील इतर निवडणूक व्यवस्थांसोबत शेअर करणार आहे.
हेही वाचा..
पंतप्रधान उद्या उडुपीचा दौरा करणार
द. आफ्रिकेविरुद्धच्या कसोटी परभवानंतर गौतम गंभीरबद्दल बीसीसीआयने काय म्हटले?
६ डिसेंबर रोजी मुर्शिदाबादमध्ये राम मंदिराची पायाभरणी करणार!
‘काश्मिरी फळांचा व्यापार करण्यासाठी घेतलेली खोली आणि…’ डॉ. मुझम्मिलचे आणखी कारनामे उघड
याशिवाय, आयआयआयईडीएम (भारत आंतरराष्ट्रीय लोकशाही आणि निवडणूक व्यवस्थापन संस्था) आणि आयडीईए यांच्या सहकार्याने निवडणुकीतील हिंसा, चुकीची माहिती आणि मतदारांच्या विश्वासात घट अशा समस्या हाताळण्यासाठी जागतिक स्तरावर प्रयत्न केले जातील. आयआयआयईडीएमने आजवर २८ देशांसोबत सामंजस्य करारांवर स्वाक्षऱ्या केल्या आहेत आणि सुमारे १४२ देशांतील ३,१६९ निवडणूक अधिकाऱ्यांना प्रशिक्षण दिले आहे. या सहकार्यामुळे भारताच्या नवोन्मेषी तंत्रज्ञान उपाययोजना आणि सर्वोत्तम पद्धतींना जागतिक पातळीवर प्रोत्साहन मिळेल.
मुख्य निवडणूक आयुक्तांच्या नेतृत्वाखाली इंटरनॅशनल आयडीईए आणि भारताचा निवडणूक आयोग एकत्रितपणे ईसीआयच्या तांत्रिक आणि प्रशासकीय नवकल्पना तसेच सर्वोत्तम पद्धतींचे आंतरराष्ट्रीय स्तरावर दस्तऐवजीकरण आणि प्रसारण करतील. ही अध्यक्षता भारताच्या मजबूत लोकशाही परंपरेचे आणि निवडणूक व्यवस्थापनातील त्याच्या जागतिक नेतृत्व क्षमतेचे प्रतीक आहे.
