भारतीय विमानतळ प्राधिकरणाने (AAI) नव्याने सूचना जाहीर करत भारतातील काही विमानतळांवरील नागरी उड्डाणे स्थगित करण्यास सांगितले आहे. भारत आणि पाकिस्तान यांच्यातील वाढत्या तणावादरम्यान उत्तर आणि पश्चिम भारतातील विमानतळांसाठी हा निर्णय घेण्यात आला आहे. यात ३२ विमानतळांचा समावेश असून या विमानतळांवरील सर्व नागरी उड्डाण ऑपरेशन्स तात्पुरते स्थगित करण्याची घोषणा करण्यात आली आहे. ९ मे ते १४ मे २०२५ पर्यंत ही बंदी लागू राहणार आहे.
अधमपूर, अंबाला, अमृतसर, अवंतीपूर, भटिंडा, भुज, बिकानेर, चंदीगड, हलवारा, हिंडन, जैसलमेर, जम्मू, जामनगर, जोधपूर, कांडला, कांगडा (गग्गल), केशोद, किशनगढ, कुल्लू मनाली (भुंतर), लेह, पटियाल, पटियाल, लुहान, लेह, पटियाल पोरबंदर, राजकोट (हिरासर), सरसावा, शिमला, श्रीनगर, थोईसे आणि उत्तरलाई या विमानतळांचा समावेश आहे. ९ मे ते १४ मे या कालावधीत या विमानतळांवरील सर्व नागरी उड्डाणे निलंबित राहतील. भारत-पाकिस्तान तणावाच्या पार्श्वभूमीवर ८ मे रोजी विमानतळ प्राधिकरणाने २४ विमानतळ बंद केले होते आणि नंतर १५ मे पर्यंत बंद ठेवण्याचा कालावधी वाढवला.
भारताच्या या प्रदेशातील वाढत्या तणावाच्या पार्श्वभूमीवर हा निर्णय घेण्यात आला आहे. भारताने पाकिस्तान आणि पाकव्याप्त काश्मीरमधील दहशतवादी तळांवर केलेल्या हल्ल्यानंतर हा निर्णय घेण्यात आला आहे, ज्यामुळे पाकिस्तानने जम्मू, पंजाब आणि राजस्थानमधील भागात ड्रोन आणि क्षेपणास्त्र हल्ले केले. जरी भारतीय संरक्षण यंत्रणेने हे हल्ले यशस्वीरित्या रोखले आणि निष्क्रिय केले असले तरी, विमान वाहतूक सुरक्षा लक्षणीयरीत्या वाढवली आहे.
हे ही वाचा :
जम्मू काश्मीरच्या कर्तव्यावर असलेले घाटकोपरचे मुरली नाईक हुतात्मा
“भारतीय ड्रोन रोखले नाहीत कारण…” पाकिस्तानच्या संरक्षण मंत्र्यांचे अजब स्पष्टीकरण
पाकिस्तानचे अल्लाह के नाम पे दे दे बाबा!
त्या नेत्याने S-400 अर्थात सुदर्शन चक्रसाठी केला होता हट्ट!
यापूर्वी, अनेक विमान कंपन्यांनी प्रभावित ठिकाणांसाठीची त्यांची उड्डाणे रद्द केली होती. एअर इंडियाने जम्मू, श्रीनगर, लेह, जोधपूर, अमृतसर, चंदीगड, भुज, जामनगर आणि राजकोटला जाणाऱ्या आणि येणाऱ्या विमानांच्या रद्दीकरणाची पुष्टी केली आहे. इंडिगोनेही अनेक शहरांमधील सेवा रद्द केल्या आहेत आणि ग्राहकांना फ्लाइटची स्थिती तपासण्यासाठी, रीबुकिंग करण्यासाठी किंवा परताव्यासाठी अर्ज करण्यासाठी ऑनलाइन लिंक्स उपलब्ध करून दिल्या आहेत. विमान कंपन्यांनी कडक तपासणी प्रक्रियेत प्रवाशांना उड्डाणाच्या किमान तीन तास आधी पोहोचण्याचा सल्ला दिला आहे.
