‘धुरंधर २: द रिव्हेंज’ सध्या बॉक्स ऑफिसवर नवे विक्रम प्रस्थापित करत आहे. रणवीर सिंग याची मुख्य भूमिका असलेल्या या सिनेमाने प्रदर्शनाच्या अवघ्या ११ दिवसांत आपल्या पहिल्या भागाच्या ‘धुरंधर’च्या लाइफटाइम कलेक्शनला मागे टाकले आहे. यासोबतच आता जागतिक स्तरावर सर्वाधिक कमाई करणाऱ्या भारतीय चित्रपटांमध्ये हा सिनेमा चौथ्या क्रमांकावर पोहोचला आहे.
चित्रपटाने दुसऱ्या रविवारी (११ वा दिवस) देखील दमदार कामगिरी करत सुमारे ६८ ते ७० कोटी रुपयांचे नेट कलेक्शन केले. विशेष म्हणजे, आयपीएलसारख्या मोठ्या स्पर्धेदरम्यानही चित्रपटाच्या कमाईवर फारसा परिणाम झाला नाही. ट्रेड रिपोर्टनुसार, चित्रपटाने पहिल्या आठवड्यात ६७४.१७ कोटी रुपयांची कमाई केली. त्यानंतर दुसऱ्या आठवड्यातही त्याची कमाई मजबूत राहिली आहे.
धुरंधर २ ची कमाई
- दिवस ९ (दुसरा शुक्रवार): ४१.७५ कोटी रुपये
- दिवस १० (दुसरा शनिवार): ६२.८५ कोटी रुपये
- दिवस ११ (दुसरा रविवार): ६८.१० कोटी रुपये
अशाप्रकारे ११ दिवसांत चित्रपटाचे एकूण कलेक्शन ८४६.८७ कोटी रुपयांपर्यंत पोहोचले आहे.
चित्रपटाने याआधीच आपल्या प्रीक्वेल ‘धुरंधर’च्या ८४०.२० कोटी रुपयांच्या लाइफटाइम कलेक्शनचा विक्रम मोडला आहे. तसेच, ‘पुष्पा २: द रूल’च्या ८१२.१४ कोटी रुपयांच्या कलेक्शनलाही मागे टाकत मोठे यश मिळवले आहे. ओव्हरसीज मार्केटमध्येही ‘धुरंधर २’ने इतिहास रचला आहे. नॉर्थ अमेरिकेत सर्वाधिक कमाई करणारा भारतीय चित्रपट ठरला आहे.
जागतिक स्तरावर हा चित्रपट आता १,३६० कोटी रुपयांहून अधिक कमाईसह चौथ्या स्थानावर आहे.
टॉप पाच भारतीय चित्रपटांची यादी पुढीलप्रमाणे-
- दंगल – २०७० कोटी रुपये
- बाहुबली २: द कन्क्लूजन – १७८८ कोटी रुपये
- पुष्पा २: द रूल – १७४२ कोटी रुपये
- धुरंधर २ (२०२६) – १३६०+ कोटी रुपये
- धुरंधर (२०२५) – १३०७ कोटी रुपये
हे ही वाचा:
इराणकडून कुवैतच्या वीज, जल प्रकल्पावर झालेल्या हल्ल्यात भारतीयाचा मृत्यू
अमेरिका खर्ग बेट ताब्यात घेणार? काय म्हणाले ट्रम्प?
अभिनेता विजयने आपल्या वाहनचाहकाच्या मुलाला दिले तिकीट
‘मन की बात’: ऊर्जा संकटात एकजूट राहा!
चित्रपटाची सध्याची गती पाहता तो लवकरच 900 कोटी रुपयांचा टप्पा पार करेल आणि येत्या काही दिवसांत 1000 कोटी नेट क्लबमध्ये सामील होण्याची शक्यता आहे. अवघ्या दोन आठवड्यांपेक्षा कमी कालावधीत ‘धुरंधर २’ने केवळ फ्रँचायझीचा इतिहास बदलला नाही, तर भारतीय सिनेमातील सर्वात मोठ्या जागतिक हिट चित्रपटांमध्ये आपले स्थानही निश्चित केले आहे.
