देशभरात नवरात्रीचा उत्सव सुरु आहे. नवरात्रीनिमित्त अनेक दुर्गापूजा मंडळांनी विविध देखावे सादर केले आहेत. याच पार्श्वभूमीवर ओडिशाच्या कटक येथील खान नगर दुर्गापूजा मंडप यंदा विशेष आकर्षण ठरला आहे. यंदाच्या पूजेत, देवी दुर्गेसाठी तब्बल ४०० किलो चांदीचा वापर करण्यात आला असून, देवीच्या शिरोभूषणासाठी ३ किलो वजनाचा सोन्याचा मुकुट साकारण्यात आला आहे.
या भव्य पूजामंडपात ‘ऑपरेशन सिंदूर’ नावाचा एक विशेष उपक्रम राबवण्यात आला आहे. भारतीय सैन्यदल आणि शौर्यवान जवानांप्रती कृतज्ञता व्यक्त करण्यासाठी हा उपक्रम सुरू करण्यात आला असून, त्याद्वारे लष्कराच्या शौर्याचे दृश्यरूपात सादरीकरण करण्यात आले आहे.
खान नगर दुर्गापूजा कमिटीचे बद्रीबिशाल साहू यांनी माहिती दिली की, “आम्ही १९५२ पासून येथे शारदीय दुर्गापूजा करतो आहोत. यंदा पूजेसाठी ‘ऑपरेशन सिंदूर’ ही संकल्पना वापरण्यात आली आहे. देशातील सद्यस्थिती लक्षात घेऊन दरवर्षी पूजेला एक विशिष्ट विषय दिला जातो. या वर्षी पाकिस्तानकडून झालेल्या दहशतवादी हल्ल्याला भारतीय लष्कर आणि हवाई दलाने दिलेल्या सडेतोड प्रत्युत्तराचे दर्शन आम्ही या पूजामंडपात घडवले आहे.”
साहू पुढे म्हणाले की, “ऑपरेशन सिंदूर”मध्ये भारतीय हवाई दलाने पाकिस्तानातील एअरबेसवर केलेले हल्ले आणि लष्कराच्या धाडसी कामगिरीचे दृश्य येथे उभारण्यात आले आहे. या माध्यमातून देशाच्या संरक्षणात झटणाऱ्या सैनिकांच्या शौर्याला मानवंदना दिली जात आहे.”
हे ही वाचा :
गाझासाठी अमेरिकेची शांतता योजना, मोदींनी स्वागत करत म्हटले-‘व्यवहार्य मार्ग’
दहशतवादी गटाशी संबंध असल्याचे भासवून ७० लाखांची फसवणूक
लंडनच्या टॅविस्टॉक स्क्वेअर येथील महात्मा गांधींच्या पुतळ्याची तोडफोड
हे सोपे नव्हते, कारण आधी धूर निघाला होता, आता गॅस सापडलाय…
या वर्षी पूजेत महिलांची सहभागिता विशेष ठरली आहे. “केवळ पुरुषच नव्हे, तर कटकमधील महिलाही मोठ्या प्रमाणावर पूजेमध्ये सहभागी झाल्या आहेत. याच उपक्रमाला पुढे नेत आम्ही येथे येणाऱ्या प्रत्येक महिलेला ‘पंतप्रधान मोदींच्या ‘एक पेड माँ के नाम’ या उपक्रमानुसार एक रोप भेट देत आहोत,” असे साहू यांनी सांगितले.
#WATCH | Cuttack, Odisha: Badribishal Sahoo of Khan Nagar Puja Committee says, "…Since 1952, we have been performing Shardiya Durga Puja here. This year, the theme used in Mata's Puja is based on Operation Sindoor… We perform the Puja each year, considering the current… https://t.co/pbZSgcgrKA pic.twitter.com/sgY4RCviao
— ANI (@ANI) September 30, 2025
