देशभरात दिवाळीचा उत्साह असताना भारतीय आणि चिनी सैनिकांनी प्रत्यक्ष नियंत्रण रेषेवर (LAC) अनेक सीमा चौक्यांवर मिठाईची देवाणघेवाण केली. पूर्व लडाखमधील डेपसांग आणि डेमचोक भागातील भारत-चीन सीमेवरून सैन्य मागे घेतल्यानंतर दुसऱ्या दिवशी दिवाळीनिमित्त दोन्ही देशांच्या सैनिकांमध्ये मिठाईची देवाणघेवाण करण्यात आली. भारत आणि चीन यांच्यातील महत्त्वाच्या करारानंतर, पूर्व लडाखमधील वास्तविक नियंत्रण रेषेवरील (LAC) डेमचोक आणि डेपसांग या दोन ठिकाणांवरून सैन्य मागे घेण्याचे काम पूर्ण झाले आहे.
बुधवारी दिलेल्या माहितीनुसार, दोन्ही बाजूंच्या सैनिकांनी संबंधित ठिकाणी विघटनाची प्रक्रिया पूर्ण केली आहे. त्यामुळे लवकरच गस्त सुरू होऊ शकते. विघटन झाल्यानंतर, एक पडताळणी प्रक्रिया सुरू आहे, ज्यामध्ये स्थानिक ग्राउंड कमांडर्ससह गस्त करण्याच्या पद्धतींवर सहमती दर्शविली जाईल. माहितीनुसार, स्थानिक कमांडर स्तरावर चर्चा सुरू राहणार आहे. पूर्व लडाखमधील भारत-चीन सीमेवरून सैन्य मागे घेण्याचे काम पूर्ण झाल्याने आगामी काळात दोन्ही शेजारी देशांमधील संबंध सुधारण्यास मदत होईल, अशी आशा चीनचे भारतातील राजदूत जू फेहाँग यांनी व्यक्त केली. पूर्व लडाखमधील डेपसांग आणि डेमचोक भागातील भारत-चीन सीमेवरून सैन्य मागे घेण्यासंदर्भात विचारलेल्या प्रश्नाच्या उत्तरात ते म्हणाले की तेथे लवकरच लष्कराची गस्त सुरू होण्याची अपेक्षा आहे.
Soldiers of the Indian and Chinese Army exchange sweets at the Chushul-Moldo border meeting point on the occasion of #Diwali.
(Source: Indian Army) pic.twitter.com/MwhGgIYQ98
— ANI (@ANI) October 31, 2024
हे ही वाचा :
आमदार जयश्री जाधवांचा काँग्रेसला रामराम; शिवधनुष्य घेतले हाती
बेरोजगार असलेल्या ५६ वर्षीय मुस्तफाने दिली होती सलमानला धमकी, केली अटक
दिवाळीनिमित्त पंतप्रधान मोदींनी निरोगी, आनंदी आयुष्यासाठी दिल्या शुभेच्छा
केंद्रीय खर्च निरीक्षक विजय बाबू वसंता यांच्यामार्फत मुंबई शहरातील स्टॅटिक सर्व्हेलन्स टीमचा आढावा!
रशियातील कझान शहरात ब्रिक्स शिखर परिषदेच्या निमित्ताने पंतप्रधान मोदी आणि चीनचे अध्यक्ष शी जिनपिंग यांच्यात सुमारे ५० मिनिटे द्विपक्षीय बैठक झाली. पाच वर्षांनंतर दोन्ही नेत्यांमधील या भेटीत पंतप्रधान मोदींनी शी जिनपिंग यांना स्पष्टपणे आठवण करून दिली की संबंध सुधारण्यासाठी सीमेवर शांतता आवश्यक आहे. दोन्ही नेत्यांनी पूर्व लडाखमधील प्रत्यक्ष नियंत्रण रेषेवर (एलएसी) विघटन आणि गस्त घालण्याच्या भारत-चीन करारावर शिक्कामोर्तब केले.
