इन्कमटॅक्स विभागाने येस बँकेला २,२०९.१७ कोटी रुपयांचा टॅक्स डिमांड नोटीस दिला आहे, ज्यामध्ये व्याजाचा समावेश आहे. यासंदर्भात बँकेने माहिती दिली आहे. येस बँकेने शेअर बाजाराला दिलेल्या माहितीनुसार, बँकेला ३० सप्टेंबर २०२१ रोजी मूल्यांकन वर्ष २०१९-२० साठी प्रथमच इनकम टॅक्स विभागाकडून एक कर नोटीस मिळाली होती. ही नोटीस आधी दाखल केलेल्या आयकर रिटर्नच्या अनुषंगाने रिफंड मिळाल्यानंतर देण्यात आली होती. मात्र, एप्रिल २०२३ मध्ये इनकम टॅक्स विभागाने हा मुद्दा पुन्हा उघडला.
२८ मार्च रोजी नॅशनल फेसलेस असेसमेंट युनिटच्या इनकम टॅक्स विभागाने पुनर्मूल्यांकन आदेश जारी केला. येस बँकेने आपल्या फाइलिंगमध्ये स्पष्ट केले की, मूळ मूल्यांकन आदेशात ठरवलेली एकूण उत्पन्न अपरिवर्तित राहायला हवे होते आणि त्यामुळे बँकेविरोधात कोणतीही कर मागणी होऊ नये. येस बँकेचे मत आहे की, या प्रकरणात बँकेकडे योग्य प्रमाणित पुरावे असून, त्याचा व्यवसाय आणि ऑपरेशन्सवर कोणताही नकारात्मक परिणाम होणार नाही.
हेही वाचा..
ऑपरेशन ब्रह्मा : भूकंपग्रस्त म्यानमारसाठी भारताची तिसरी मदत
लेबनीज सैन्याने सुरू केली इस्रायलमध्ये रॉकेट डागण्याच्या प्रकरणाची चौकशी
मुख्तार गँगचा शूटर अनुज कन्नौजिया एन्काऊंटरमध्ये ठार
बँकेने पुढे स्पष्ट केले की, “बँक लागू कायद्यांनुसार या पुनर्मूल्यांकन आदेशाविरोधात अपील करेल.” शुक्रवारी येस बँकेचा शेअर ₹१६.८८ वर बंद झाला. मागील एका वर्षात बँकेच्या शेअरमध्ये २७.२४ % घट झाली आहे. तथापि, वित्तीय वर्ष २०२४-२५ च्या तिसऱ्या तिमाहीत येस बँकेचा नफा तीन पटीने वाढून ६१२ कोटी रुपये झाला आहे. मागील वर्षी याच तिमाहीत बँकेचा नफा २३१ कोटी रुपये होता.
ऑक्टोबर-डिसेंबर तिमाहीत बँकेच्या व्याज उत्पन्नात वाढ होऊन ते ७,८२९ कोटी रुपयांवर पोहोचले, जे मागील वर्षी ६,९८४ कोटी रुपये होते. पुनरावलोकन कालावधीत बँकेची एकूण कमाई ८,१७९ कोटींवरून ९,३४१ कोटी रुपयांपर्यंत वाढली आहे.
