२२ जुलै १९८२ रोजी श्रीलंकेतील निट्टंबुवा या छोट्याशा गावात जन्मलेला नुवान कुलशेखरा, नुसत्या मेहनतीच्या जोरावर जगभरातल्या फलंदाजांना हादरवणारा स्विंग मास्टर ठरला.
२१ व्या वर्षी, इंग्लंडविरुद्ध वनडे डेब्यू करताना त्याने ९ षटकांत केवळ १९ धावा देत २ विकेट्स घेतल्या आणि पहिल्याच सामन्यात आपली छाप पाडली.
📈 स्विंग, स्ट्राईक आणि स्टाईलचा मास्टर
कुलशेखराने एप्रिल २००५ मध्ये टेस्ट क्रिकेटमध्ये पदार्पण केलं. २००६ मध्ये इंग्लंडविरुद्ध १० व्या क्रमांकावर फलंदाजी करताना १३३ चेंडूत ६३ धावांची खेळी करून सर्वांनाच थक्क केलं.
२००८ ते २००९ दरम्यान फक्त १२ महिन्यांत २९ सामन्यांमध्ये ४७ विकेट्स, सरासरी २०.९७, स्ट्राइक रेट २८ आणि इकॉनॉमी ४.४५ – हे आकडेच त्याच्या गोलंदाजीतील प्रखरपणा सांगून जातात.
२००९ मध्ये तो आयसीसीच्या वनडे रँकिंगमध्ये क्रमांक १ चा गोलंदाज बनला.
🏆 क्लास, कॉम्बॅक आणि क्रिकेटचा प्रवास
चामिंडा वासच्या निवृत्तीनंतर, तर लसिथ मलिंगाच्या खराब फॉर्ममध्ये, श्रीलंकेचा संपूर्ण वेगवान आक्रमणाचा भार कुलशेखरावर आला – आणि त्याने तो समर्थपणे पेलला.
-
२०११ वर्ल्ड कप फायनल – महेला जयवर्धनेसोबत ६६ धावांची भागीदारी
-
२००९ – आयसीसीच्या ‘वर्षातील सर्वोत्तम वनडे संघात’ निवड
-
२०१३ – चॅम्पियन्स ट्रॉफीत चमकदार कामगिरी
-
२०११ – चेन्नई सुपर किंग्सकडून ₹६.५ कोटींची बोली
🚨 जीवनातला ट्विस्ट: अपघात, तुरुंग आणि पुनरागमन
२०१६ मध्ये त्यांच्या कारमधून झालेल्या अपघातात एका व्यक्तीचा मृत्यू झाला. त्यानंतर कुलशेखराला काही काळ पोलीस कोठडीत राहावं लागलं. नंतर जामिनावर सुटका झाली.
या धक्क्यानंतरही त्याने मैदानात परतण्याचा प्रयत्न केला, पण शेवटी २०१९ मध्ये आंतरराष्ट्रीय क्रिकेटमधून निवृत्तीची घोषणा केली.
📊 कुलशेखराचा कारकिर्दीचा हिशेब:
-
२१ टेस्ट – ४८ विकेट्स, ३९१ धावा
-
१८४ वनडे – १९९ विकेट्स, १,३२७ धावा
-
५८ टी२० – ६६ विकेट्स, २१५ धावा
🎯 शेवटी एवढंच –
“तो लसिथ मलिंगा एवढा प्रसिद्ध नव्हता, पण जेव्हा बॉल हातात घेत असे, तेव्हा स्टंप्सही त्याला ओळखायचे!”
नुवान कुलशेखराचं क्रिकेट म्हणजे संयम, संघर्ष आणि स्विंगची शाळा!
