ऑलिम्पिक २०२४; भारतीय महिला तिरंदाजी संघाचा उपांत्यपूर्व फेरीत प्रवेश !

भारताच्या महिला तिरंदाजी संघाने पॅरिस ऑलिम्पिकच्या क्रमवारीत चांगली कामगिरी केली आहे. दीपिका कुमारी, अंकिता भगत आणि भजन कौर यांनी एकत्रितपणे भारताला १,९८३ गुण मिळवून दिले आहेत. यासह भारतीय संघ चौथ्या स्थानावर असून उपांत्यपूर्व फेरीत स्थान निश्चित केले आहे. वैयक्तिक धावसंख्येबद्दल बोलायचे झाल्यास, भारतासाठी सर्वोत्कृष्ट कामगिरी अंकिता भगतने केली, तिने ७२ शॉट्स मारून एकूण ६६६ गुण मिळवले आणि ती ११ व्या स्थानावर राहिली. तर दुसरीकडे दीपिका कुमारी आणि भजन कौर टॉप-२० मधून बाहेर राहिल्या.

भारतीय खेळाडूंच्या वैयक्तिक कामगिरीवर नजर टाकल्यास अंकिता ११व्या, भजन कौर २२व्या आणि दीपिका कुमारी २३व्या स्थानावर आहे. अंकिताने उत्तरार्धाच्या शेवटच्या दोन सेटमध्ये शानदार पुनरागमन केले, ज्यामध्ये तिने १२० पैकी ११२ गुण मिळवले. शेवटच्या क्षणांमध्ये, विशेषतः १८ वर्षीय भजन कौरची अतिशय खराब कामगिरी दिसून आली, तिने एकूण ६५९ गुण जमा केले. दीपिका तिच्यापेक्षा एक गुण मागे होती आणि ६५८ गुणांसह रँकिंग फेरी पूर्ण केली.

हे ही वाचा:

पुण्यातील पूरस्थितीत बचावकार्यासाठी लष्कराचे जवान मैदानात

अनिल देशमुख पुरावे द्या, ३ तासाच्या आत तुमच्याही ऑडियो क्लिप्स जनतेसमोर आणू !

विहार व मोडक सागर तलाव ओसंडून वाहू लागले

हिंदू प्रशिक्षणार्थींना मुस्लिमांशी लग्न करण्यासाठी दबाव

भारताचा उपांत्यपूर्व फेरीत प्रवेश
नियमांबद्दल बोलायचे झाल्यास, सांघिक यादीत टॉप-४ मध्ये स्थान मिळविणाऱ्या संघांना थेट सांघिक स्पर्धेच्या उपांत्यपूर्व फेरीत प्रवेश मिळतो. भारत १९८३ गुणांसह चौथ्या स्थानावर असल्याने त्याने थेट उपांत्यपूर्व फेरीत प्रवेश केला आहे. भारताचा आता उपांत्यपूर्व फेरीत फ्रान्स विरुद्ध नेदरलँड्स सामन्यातील विजेत्याशी सामना होणार आहे. दरम्यान, या यादीत कोरिया २०४६ गुणांसह अव्वल, तर चीन आणि मेक्सिको अनुक्रमे १९९६ आणि १९८६ गुणांसह दुसऱ्या आणि तिसऱ्या स्थानावर आहेत.