पाकिस्तानला इस्रायलप्रमाणे उत्तर द्या

जम्मू-काश्मीरमधील पहलगाम येथे मंगळवारी झालेल्या दहशतवादी हल्ल्यावर राज्याचे माजी पोलीस महासंचालक (डीजीपी) एस. पी. वैद्य यांनी तीव्र दुःख व्यक्त केले आहे. त्यांनी सांगितले की हा एक सुनियोजित आणि विचारपूर्वक केलेला हल्ला होता, ज्यामध्ये पर्यटकांना लक्ष्य करण्यात आले. वैद्य यांनी हा पाकिस्तान प्रायोजित मोठा दहशतवादी कट असल्याचे सांगितले असून, हा हल्ला कुठल्याही सामान्य दहशतवादी कृत्याचा भाग नसून एक सुसंगत आणि नियोजित कारस्थान होते.

एस. पी. वैद्य यांनी याला ‘पुलवामा २ ‘ असे संबोधले असून सांगितले की पाकिस्तानच्या लष्करप्रमुखाने दोन दिवसांपूर्वी दिलेले भडकावणारे विधान आणि त्यानंतर झालेला हा हल्ला, हे दोन्ही परस्परांशी संबंधित आहेत. त्यांनी म्हटले की पाकिस्तानच्या लष्कराने आधीच या हल्ल्याची तयारी केली होती आणि त्यांच्या स्पेशल सर्व्हिस ग्रुप (एसएसजी) कमांडोंना गावांमध्ये पाठवण्यात आले होते जेणेकरून असे हल्ले घडवून आणता येतील. त्यांनी असेही नमूद केले की अलीकडेच हमासच्या एका नेत्याचे पाकव्याप्त काश्मीरमध्ये आगमन हीसुद्धा याच कटाचा भाग होता आणि ती कोणतीही सामान्य घटना नव्हती.

हेही वाचा..

सहा दिवसांपूर्वी लग्न आणि दहशतवादी हल्ल्यात गमावला जीव

बारामुल्लामध्ये घुसखोरीचा प्रयत्न करणाऱ्या दोन दहशतवाद्यांचा खात्मा

पहलगाम हल्ल्यात ठाणे जिल्ह्यातील डोंबिवलीमधील तीन पर्यटकांचा मृत्यू

पहलगाम हल्ल्याच्या पार्श्वभूमीवर एअर इंडियाकडून जादा उड्डाणं; आणखीही सेवा उपलब्ध

माजी डीजीपी एस. पी. वैद्य यांनी असेही सांगितले की भारताने या हल्ल्याचे उत्तर इस्रायलप्रमाणे द्यायला हवे, जेणेकरून पाकिस्तानला याची मोठी किंमत चुकवावी लागेल. त्यांनी म्हटले, “पाकिस्तानची लष्कर ही जगातील सर्वात मोठी दहशतवादी संघटना आहे आणि आता वेळ आली आहे की भारताने पाकिस्तानचे चार तुकडे करण्यासाठी निर्णायक पावले उचलली पाहिजेत.”

त्यांनी असेही सांगितले की भारताने आता “करो या मरो” ही नीती स्वीकारायला हवी आणि पाकिस्तानला असा धडा शिकवला पाहिजे की तो कधीही विसरणार नाही. एस. पी. वैद्य यांनी केंद्रीय गृहमंत्री अमित शाह यांच्या काश्मीर दौऱ्याचा उल्लेख करत सांगितले की ते या संदर्भात सर्व यंत्रणांना सूचना देतील आणि भारत प्रत्येक परिस्थितीला सामोरे जाण्यास सज्ज आहे.