31 C
Mumbai
Saturday, November 21, 2026
घरविशेषशाल, शिल्पे आणि बरच काही: पंतप्रधान मोदींना मिळालेल्या भेटवस्तूंचा लिलाव सुरू!

शाल, शिल्पे आणि बरच काही: पंतप्रधान मोदींना मिळालेल्या भेटवस्तूंचा लिलाव सुरू!

लिलावातील निधीचा 'नमामि गंगे'साठी होणार वापर 

Google News Follow

पंतप्रधान नरेंद्र मोदी यांनी बुधवारी (२४ सप्टेंबर) नागरिकांना पंतप्रधानांच्या स्मृतिचिन्हांच्या सातव्या ई-लिलावात सहभागी होण्याचे आवाहन केले आहे. या लिलावात, गेल्या काही वर्षांतील अधिकृत कार्यक्रमांमध्ये पंतप्रधानांना भेट दिलेल्या स्मृतिचिन्हांचा समावेश करण्यात आला आहे. या लिलावातून गोळा होणारा संपूर्ण निधी ‘नमामि गंगे’ या केंद्र सरकारच्या गंगा नदीच्या स्वच्छता आणि संवर्धनासाठीच्या महत्वाकांक्षी प्रकल्पासाठी वापरण्यात येणार आहे. हा प्रकल्प गंगा नदीला प्रदूषणमुक्त करण्यासाठी आणि तिच्या पर्यावरणीय स्थितीचे संरक्षण करण्यासाठी केंद्र सरकारने हाती घेतलेला आहे.

“गेल्या काही दिवसांपासून, माझ्या वेगवेगळ्या कार्यक्रमांदरम्यान मला मिळालेल्या विविध भेटवस्तूंचा ऑनलाइन लिलाव सुरू आहे. या लिलावात भारताची संस्कृती आणि सर्जनशीलता दर्शविणारी अतिशय मनोरंजक कामे समाविष्ट आहेत. लिलावातून मिळणारे पैसे नमामि गंगेसाठी दिले जातील. लिलावात सहभागी व्हा,” असे पंतप्रधान मोदींनी एक्सवर लिहिलेल्या पोस्टमध्ये लिहिले आहे.

सांस्कृतिक मंत्रालयाने यापूर्वीच नवी दिल्लीतील नॅशनल गॅलरी ऑफ मॉडर्न आर्ट (एनजीएमए) द्वारे आयोजित या वर्षीच्या लिलावाची घोषणा केली होती, ज्यामध्ये केंद्रीय संस्कृती आणि पर्यटन मंत्री गजेंद्र सिंह शेखावत यांनी या संग्रहाचे अनावरण केले होते. शेखावत म्हणाले की, १७ सप्टेंबर ते २ ऑक्टोबर २०२५ पर्यंत चालणाऱ्या या ऑनलाइन लिलावात १,३०० हून अधिक भेटवस्तूंचा समावेश असेल, ज्यामध्ये चित्रे, कलाकृती, शिल्पे, देव-देवतांच्या मूर्ती आणि क्रीडा स्मृतिचिन्हे यांचा समावेश आहे. “या वस्तू भारताची सांस्कृतिक विविधता आणि सर्जनशीलता प्रतिबिंबित करतात आणि नागरिक आता या अनोख्या उपक्रमात सहभागी होऊ शकतात,” असे ते म्हणाले.

लिलावाची पहिली आवृत्ती जानेवारी २०१९ मध्ये आयोजित करण्यात आली होती आणि तेव्हापासून या कार्यक्रमात नमामि गंगे प्रकल्पासाठी ५० कोटी रुपयांहून अधिक निधी जमा झाला आहे. मिळालेल्या सर्व स्मृतिचिन्हे सार्वजनिक कार्यासाठी समर्पित करणारे पंतप्रधान मोदी हे भारताचे पहिले पंतप्रधान आहेत.

हे ही वाचा : 

लेहमध्ये निदर्शने चिघळली; भाजप कार्यालयावर दगडफेक, पोलिस व्हॅन पेटवली

प्रसिद्ध दिग्दर्शक आर. डी. नारायणमूर्ती यांचे निधन

कॉंग्रेसची बुडालेली नाव वाचवायचा प्रयत्न

पंतप्रधान मोदींविषयी केलेले वादग्रस्त विधान निंदनीय

या संग्रहात भारतातील पारंपारिक कला प्रकार आणि समारंभातील भेटवस्तूंचा समावेश आहे- जसे की, जम्मू आणि काश्मीरमधील पश्मीना शाल, राम दरबाराचे तंजावर चित्रकला नटराजाची धातूची मूर्ती, जीवनवृक्षाचे चित्रण करणारी गुजरातमधील रोगन कला, हाताने विणलेला नागा शाल इत्यादी. या वर्षीचे एक विशेष आकर्षण म्हणजे पॅरिस २०२४ पॅरालिंपिकमधील भारताच्या पॅरा-अ‍ॅथलीट्सनी भेट म्हणून दिलेली क्रीडा स्मृतिचिन्हे, जे भारतीय खेळांमधील लवचिकता आणि उत्कृष्टतेचे प्रतीक आहेत.

National Stock Exchange
spot_img

प्रतिक्रिया द्या

कृपया आपली टिप्पणी द्या!
कृपया येथे आपले नाव प्रविष्ट करा

The reCAPTCHA verification period has expired. Please reload the page.

आम्हाला follow करा

113,459चाहतेआवड दर्शवा
2,036अनुयायीअनुकरण करा
342,000सदस्य यादीसदस्य व्हा

इतर नवीनतम कथा