भारतीय अंतराळवीर शुभांशू शुक्ला पृथ्वीवर परतण्यासाठी रवाना झाले आहेत. त्यांचे अंतराळयान ‘ड्रॅगन’ अनडॉक करण्यात आले आहे. त्यांनी सोमवारी (१४ जुलै) दुपारी ४.५० वाजता त्यांच्या तीन साथीदारांसह परतीचा प्रवास सुरू केला. ते अॅक्सिओम-४ मोहिमेअंतर्गत परतत आहेत.
आयएसएसमध्ये १८ दिवस घालवल्यानंतर, शुभांशू शुक्ला आता परतत आहेत. अंतराळ स्थानकावरून उतरण्याची प्रक्रिया भारतीय वेळेनुसार दुपारी ४:५० वाजता झाली. त्यानंतर, २२.५ तासांच्या प्रवासानंतर मंगळवारी (१५ जुलै) भारतीय वेळेनुसार दुपारी ३:०१ वाजता कॅलिफोर्नियाच्या किनाऱ्याजवळील समुद्रात हे अंतराळयान उतरेल. ही संपूर्ण प्रक्रिया स्वयंचलित असणार आहे.
मीडिया रिपोर्ट्सनुसार , १५ जुलै रोजी दुपारी ३ वाजता स्पेसएक्स ड्रॅगन पृथ्वीवर उतरल्यानंतर, शुभांशू शुक्ला आणि त्यांच्या टीमची वैद्यकीय तपासणी केली जाईल. यासोबतच, टीमला पृथ्वीच्या वातावरणानुसार पुन्हा अनुकूल केले जाईल.
