तामिळनाडूमधील शिवगंगा जिल्ह्यात पोलिस कोठडीतील मृत्यू प्रकरणात केंद्रीय अन्वेषण विभागाने (CBI) तपास सुरू केला आहे. शनिवारी सीबीआयने या प्रकरणातील आरोपी पोलिस अधिकाऱ्यांविरोधात एफआयआर दाखल केला. यासंबंधी माहिती सीबीआयने स्वतः प्रसिद्ध केलेल्या प्रेस रिलीजद्वारे दिली. सीबीआयने सांगितले, “१२ जुलै २०२५ रोजी तामिळनाडूच्या शिवगंगा जिल्ह्यातील पोलिस अधिकाऱ्यांविरोधात अजितकुमार यांच्या कथित कोठडीतील मृत्यूप्रकरणी प्रकरण दाखल करण्यात आले आहे.” अजित कुमार हे एका मंदिरात सुरक्षा रक्षक (टेम्पल गार्ड) म्हणून कार्यरत होते.
अजित कुमार यांच्या मृत्यूमुळे राज्यात मोठा राजकीय व सामाजिक उद्रेक झाला होता. त्यानंतर तामिळनाडू सरकारने सीबीआय चौकशीची शिफारस केली होती. यापूर्वी थिरुप्पुवनम पोलिस स्टेशन येथे या प्रकरणात एफआयआर दाखल झाला होता. त्यानंतर राज्य सरकारने तपास सीबीआयकडे सुपूर्त केला. सीबीआयने भारतीय न्याय संहिता २०२३ च्या कलम १०३ अंतर्गत प्रकरण नोंदवले आहे आणि तपास अधिकारात घेतला आहे.
हेही वाचा..
मणिपूरमध्ये आठ अतिरेक्यांना अटक!
जग्वार फायटर जेटचा ब्लॅक बॉक्स मिळाला!
भारताचा जीवन विमा उद्योग आता किती टक्क्यांनी वाढणार!
दिल्ली इमारत दुर्घटना : दोन जणांचा मृत्यू
हा निर्णय मद्रास उच्च न्यायालयाच्या मदुराई खंडपीठाच्या आदेशानंतर घेण्यात आला आहे. ८ जुलै रोजी न्यायालयाने सीबीआयला एका विशेष तपास पथकाची नेमणूक करून २० ऑगस्ट २०२५ पर्यंत अंतिम अहवाल सादर करण्याचे आदेश दिले होते. घटनेनुसार, शिवगंगा जिल्ह्यात पोलिसांनी चोरीच्या आरोपावरून मंदिर सुरक्षा रक्षक अजित कुमार यांना अटक केली होती. एक कार मंदिराजवळ उभी असताना तिच्यात चोरी झाली होती, आणि यासंदर्भात तोंडी तक्रारीनंतर पोलिसांनी अजितकुमार यांना ताब्यात घेतले. २९ जून रोजी अजित कुमार मृत अवस्थेत आढळून आले. आरोप आहे की, पोलिसांनी कोठडीत अमानुषपणे मारहाण केली, ज्यामुळे त्यांचा मृत्यू झाला. या प्रकरणात ६ पोलिस अधिकाऱ्यांना अटक करण्यात आली आहे.
