सिंधू पाणी कराराच्या मुद्द्यावर भारताने पुन्हा एकदा पाकिस्तानला चोख प्रत्युत्तर दिले आहे आणि म्हटले आहे की शेजारी देशाने हा करार रद्द करण्यासाठी भारतावर दोषारोप करणे थांबवावे. ताजिकिस्तानची राजधानी दोशान्बे येथे झालेल्या हिमनदी संवर्धन परिषदेत पाकिस्तानने सिंधू पाणी कराराचा मुद्दा उपस्थित केला. यानंतर, भारताचे पर्यावरण मंत्री कीर्तीवर्धन सिंह यांनी पाकिस्तानला आरसा दाखवला. त्यांनी स्पष्ट शब्दात सांगितले की, दहशतवादाला प्रोत्साहन देणाऱ्या देशांनी पाणी कराराच्या समाप्तीसाठी भारताला जबाबदार धरू नये.
हिमनद्यांच्या संवर्धनावरील उच्चस्तरीय आंतरराष्ट्रीय परिषद २९ मे ते १ जून दरम्यान दुशान्बे येथे आयोजित केली जात आहे. त्याच परिषदेत, पाकिस्तानने सिंधू पाणी कराराचा मुद्दा उपस्थित केला होता, ज्याचा या परिषदेशी काहीही संबंध नाही. अशा परिस्थितीत, भारताकडून असे म्हटले गेले की पाकिस्तानकडून या प्लॅटफॉर्मचा गैरवापर केला जात आहे. यासोबतच, पर्यावरणमंत्र्यांनी सांगितले की, पाकिस्तान सीमापार दहशतवादाला प्रोत्साहन देत आहे, जे कराराचे उल्लंघन आहे. या कारणास्तव हा करार रद्द करण्यात आला आहे.
या परिषदेला पाकिस्तानचे पंतप्रधान शाहबाज शरीफ देखील उपस्थित होते. शुक्रवारी (३० मे) त्यांनी म्हटले होते की, पाकिस्तान भारताला लाल रेषा ओलांडू देणार नाही आणि राजकीय फायद्यासाठी लाखो लोकांचे जीवन धोक्यात आणू देणार नाही. यानंतर भारतीय पर्यावरण मंत्र्यांनी शाहबाज शरीफ यांना चोख प्रत्युत्तर दिले. ते म्हणाले की, पाकिस्तान सीमापार दहशतवादाला प्रोत्साहन देऊन या करारातील करारांचे सतत उल्लंघन करत आहे.
हे ही वाचा :
महिलांच्या शौचालयात व्हिडीओ बनविणाऱ्या एकाला अटक!
वादग्रस्त बडतर्फ पोलीस अधिकारी रणजित कासलेला मुंबई पोलिसांकडून अटक!
ईशान्येकडील राज्यांमध्ये पावसाचा कहर, २५ जणांचा मृत्यू!
चौथ्या आर्थिक तिमाहीवर ‘महाकुंभ कृपा’?
पर्यावरण मंत्री कीर्तीवर्धन सिंह म्हणाले की, सिंधू जल कराराच्या अटींमध्ये स्पष्टपणे लिहिले आहे की, तो सद्भावना आणि प्रामाणिकपणाने मैत्रीपूर्ण पद्धतीने अंमलात आणला पाहिजे. कराराच्या काळापासून परिस्थिती खूप बदलली आहे. हवामान बदल, तांत्रिक बदल, लोकसंख्या वाढ आणि सतत सीमापार दहशतवाद यामुळे सिंधू पाणी करार टिकू शकत नाही. दरम्यान, पहलगाम दहशतवादी हल्ल्यानंतर भारताने सिंधू पाणी करार रद्द केला होता.