भारत आणि इजिप्त यांनी जागतिक स्तरावर स्पर्धात्मक आणि भविष्यसिद्ध (फ्यूचर-रेडी) कार्यशक्ती घडवण्यासाठी कौशल्य विकास क्षेत्रात सामरिक सहकार्य बळकट करण्यावर सहमती दर्शवली आहे. मंगळवारी जारी करण्यात आलेल्या अधिकृत निवेदनानुसार, भारताच्या कौशल्य विकास आणि उद्यमिता मंत्रालय (MSDE) आणि इजिप्तच्या तांत्रिक शिक्षण उपमंत्री प्रो. अयमान बहा अल दीन यांच्या नेतृत्वाखालील इजिप्तच्या प्रतिनिधीमंडळात झालेल्या उच्चस्तरीय बैठकीत हा निर्णय घेण्यात आला.
निवेदनात म्हटले आहे की, “दोन्ही देशांनी भविष्यातील सहकार्याच्या अनेक शक्यतांची ओळख केली आहे. यामध्ये संयुक्त प्रमाणपत्र कार्यक्रम, प्राध्यापक व विद्यार्थी देवाण-घेवाण, डिजिटल स्किलिंग व उद्योजकता उपक्रम तसेच माहिती तंत्रज्ञान, कृषी, पर्यटन आणि ग्रीन स्किल यांसारख्या महत्त्वाच्या क्षेत्रांत उत्कृष्टता केंद्रे स्थापन करणे यांचा समावेश आहे.
प्रतिनिधीमंडळांनी जागतिक स्तरावर स्पर्धात्मक आणि फ्यूचर-रेडी वर्कफोर्स घडवण्यासाठी आणि दक्षिण-दक्षिण सहकार्याच्या टेम्पलेटप्रमाणे या भागीदारीचा उपयोग करण्याची संयुक्त प्रतिज्ञा केली. ही भागीदारी भारत आणि इजिप्तमधील सतत बळकट होणाऱ्या संबंधांमध्ये एक महत्त्वाचा टप्पा ठरली आहे. अलीकडेच पंतप्रधान नरेंद्र मोदींना इजिप्तच्या सर्वोच्च नागरी सन्मानाने गौरवण्यात आले होते.
हेही वाचा..
पहलगाम हत्याकांडाचा सूत्रधार हाशिम मुसाला पाकिस्तानचे कमांडो प्रशिक्षण
मुख्यमंत्री योगी यांचा का झाला संताप ?
ब्रिटन दौऱ्यात पीयूष गोयल करणार प्रमुख उद्योग नेत्यांशी चर्चा
एमएसडीईचे सचिव अतुल कुमार तिवारी यांनी ‘स्किल इंडिया मिशन’द्वारे भारत ‘जगाचे कौशल्य राजधानी’ (Skill Capital of the World) बनवण्याच्या दृष्टीकोनावर भर दिला. या अंतर्गत आतापर्यंत कृत्रिम बुद्धिमत्ता, रोबोटिक्स आणि बिग डेटा यांसारख्या प्रगत क्षेत्रांत सुमारे ४ लाख व्यक्तींना प्रशिक्षण देण्यात आले असून, १३ लाखांहून अधिक उद्योजकांना प्रोत्साहन देण्यात आले आहे. भारताने आपल्या तांत्रिक आणि व्यावसायिक शिक्षण व प्रशिक्षण (TVET) इकोसिस्टमला जागतिक मानकांशी जोडण्यासाठी घेतलेले पाऊल आणि ‘स्किल इंडिया इंटरनॅशनल सेंटर्स’ना आंतरराष्ट्रीय सहकार्याच्या मॉडेलप्रमाणे सादर केले आहे.
इजिप्तच्या प्रतिनिधीमंडळाने त्यांच्या TVET सुधारणा योजनांची माहिती दिली. यामध्ये युरोपियन युनियनच्या सहाय्याने राबवलेला ‘TVET इजिप्त रिफॉर्म प्रोग्राम’ आणि सेक्टर स्किल कौन्सिलची स्थापना यांचा समावेश आहे. निवेदनात असेही नमूद केले आहे की, भारताच्या NIELIT आणि इजिप्तच्या इन्फॉर्मेशन टेक्नॉलॉजी इन्स्टिट्यूट यांच्यातील २०२४ मधील सामंजस्य करार, ईएल-सेडवी ग्रुपची अमिटी विद्यापीठाशी भागीदारी, तसेच कैरोमध्ये भारताच्या पाठबळाने सुरू असलेले व्यावसायिक प्रशिक्षण केंद्र यांसारख्या सध्या सुरू असलेल्या सहकार्याच्या यशाला दोन्ही देशांनी मान्यता दिली आहे.
