भारताचा माजी कर्णधार सौरव गांगुली यांनी स्पष्ट केलं आहे की बर्मिंघम कसोटीतील विजय नक्कीच उल्लेखनीय आहे, पण या मालिकेचा निकाल अजून ठरलेला नाही. कारण अजूनही तीन कसोटी सामने बाकी आहेत आणि
त्यावरच अखेरचा निर्णय होणार आहे.
गांगुली स्वतः बर्मिंघमच्या ऐतिहासिक विजयाला साक्षीदार राहिले आणि भारतात परतल्यावर त्यांनी माध्यमांशी संवाद साधताना संघाच्या खेळाचं कौतुक केलं. त्यांनी पुढे सांगितलं की,
“भारतीय संघाने अतिशय चांगला खेळ केला आहे, पण अजून तीन सामने बाकी आहेत. त्यामुळे सध्या काहीही निष्कर्ष काढणं योग्य ठरणार नाही.”
पुढील कसोटी सामना लॉर्ड्सवर होणार आहे. गांगुलींच्या मते, भारत पुन्हा एकदा उत्कृष्ट फलंदाजी करेल आणि २० विकेट्स घेऊन सामना जिंकेल अशी अपेक्षा आहे.
तसंच, त्यांनी ही माहितीही दिली की जसप्रीत बुमराह पुढील सामन्यात परतेल, ज्यामुळे गोलंदाजी अधिक मजबूत होईल.
“बुमराह परत आल्यावर इंग्लंडचे २० बळी घेणं सोपं जाईल,” असंही त्यांनी ठामपणे सांगितलं.
हेही वाचा:
गुजरात घटना : पंतप्रधान मोदींनी व्यक्त केला शोक
राहुल गांधी पिकनिकसाठी आले आणि निघून गेले
तिरुमला देवस्थानचा कर्मचारी लपूनछपून जात होता चर्चमध्ये!
फरार मोनिका कपूरला अमेरिकेतून भारतात आणले
बर्मिंघम कसोटीत बुमराहच्या अनुपस्थितीतही मोहम्मद सिराज आणि आकाश दीप यांनी जबरदस्त कामगिरी करत भारताला मोठा विजय मिळवून दिला. सिराजने पहिल्या डावात ६ बळी घेतले, तर आकाश दीपने दुसऱ्या डावात ६ बळी घेत एकूण १० बळी टिपले.
गांगुली हे भारताच्या इतिहासातील सर्वात यशस्वी कर्णधारांपैकी एक मानले जातात. त्यांच्या नेतृत्वातच भारताने परदेशात कसोटी सामने जिंकण्याची परंपरा सुरू केली होती.
