सोलापूर जिल्ह्यातील अकलूज (ता. माळशिरस) येथे एक अनोखा विवाहसोहळा पार पडला. सर्वसाधारणपणे वधू आणि वर हेच एकमेकांना वरमाला घालून विवाहबंधनात अडकतात, पण या लग्नात चक्क दोन मुलींनी एकाच वराला वरले. त्यामुळे या विवाहाची सर्वत्र चर्चा होत आहे. विशेष म्हणजे धूमधडाक्यात आणि घरच्यांच्या पूर्ण सहमतीने हा विवाह झाला.
अकलूज येथे झालेल्या या विवाहात या जुळ्या बहिणींनी एकाच मुलाशी विवाह केला. अकलूज वेळापूर रोडवरील गलांडे हॉटेल येथे हा विवाहसोहळा पार पडला.
अकलूज तालुका माळशिरस येथे दोन जुळ्या बहिणींनी एकाच मुलाशी केला विवाह. कांदिवलीमधील उच्च शिक्षित पिंकी आणि रिंकी या जुळ्या बहिणी आहेत.#Solapur #Mumbai #Marriage #MaharashtraNews #News18Lokmat pic.twitter.com/XF2eAt9dcR
— News18Lokmat (@News18lokmat) December 3, 2022
अतुल हा या माळशिरस तालुक्यातील असून त्याचा मुंबईत व्यवसाय आहे. ट्रॅव्हलचा त्याचा हा व्यवसाय असून त्याने मुंबईतील या जुळ्या बहिणींशी विवाह केला. रिंकी आणि पिंकी अशी या दोन मुलींची नावे असून काही महिन्यांपूर्वी त्यांची आई आजारी असताना या युवकाने त्यांच्या आईची पूर्ण काळजी घेतली. त्यातूनच त्या मुलींचे त्या मुलावर प्रेम जडले. शेवटी त्यांनी त्याच्याशी विवाह करण्याचे ठरले.
हे ही वाचा:
फडणवीसांच्या प्रयत्नांना आले यश, उपकरप्राप्त इमारतींचा होणार पुनर्विकास
‘माझे ठाणे’ ही भावना मनात ठेवून काम करा!
कोरियन मुलीला ‘या’ दोन भारतीय मुलांनी केली होती मदत
कांदिवलीतील शाळेत विद्यार्थ्याने दुसऱ्या मुलावर केला चाकुने हल्ला
या दोन्ही मुली उच्चविद्याविभूषित असून त्यांचे इंजीनियरिंगचे शिक्षण पूर्ण झालेले आहेत. दोघीही आयटी कंपनीत नोकरीस आहेत. दोघींचे शिक्षणही एकत्र झालेले आहे. जुळ्या असल्यामुळे एकत्रच त्यांचे संगोपन झाले. एकमेकांची त्या दोघींनी इतकी सवय आहे की, त्यांनी एकाच वराशी विवाह करण्याचे ठरविले. दोघी एकमेकांशिवाय राहू शकत नसल्याने त्या वेगवेगळे विवाह करण्यासही तयार नव्हत्या त्यामुळे त्यांनी अतुल या वराशीच लग्न केले.
अतिशय थाटात हा विवाहसोहळा पार पडला त्याचे व्हीडिओ आणि फोटो सोशल मीडियावर व्हायरल झाले आहेत.
