अबू आझमी यांना औरंग्याचा पुळका, म्हणाले चांगला प्रशासक होता!

नुकताच प्रदर्शित झालेला ‘छावा’ चित्रपट लोकांच्या मनावर राज्य करत आहे. या चित्रपटात छत्रपती संभाजी महाराजांच्या इतिहासाची ती पाने उघडण्यात आली आहेत, जी डाव्या विचारसरणीच्या इतिहासकारांनी दाबली होती. या चित्रपटात औरंगजेबाने छत्रपती संभाजी महाराजांची केलेली क्रूर हत्या आणि धर्माच्या रक्षणासाठी कटिबद्ध असलेले छत्रपती संभाजी महाराजांचे उदात्त व्यक्तिमत्त्व लोकांसमोर उलगडले आहे. अवघ्या तीन दिवसात १०० कोटींचा आकडा पार करणाऱ्या ‘छावा’ आता लवकरच ५०० कोटी रुपयांचा आकडा पार करणार आहे. छावा चित्रपटाच्या माध्यमातून औरंगजेबाचे खरे रूप पुन्हा एकदा जनतेसमोर आले आहे. याच दरम्यान, अबू आझमी यांनी वादग्रस्त विधान केले आहे. औरंगजेबला एक चांगला प्रशासक असल्याचे अबू आझमी यांनी म्हटले आहे.

औरंगजेबाच्या क्रूरतेच्या अनेक कथा त्याच्या स्वतःच्या इतिहासकारांनी मोठ्या आनंदाने लिहिल्या आहेत. गुरु गोविंद सिंग यांच्या मुलांचा क्रूर खून करणाऱ्या औरंगजेबाने छत्रपती संभाजी महाराजांसोबत धार्मिक युद्धही केले होते, परंतु समाजवादी पक्षाचे आमदार अबू आझमी यांनी औरंगजेबाला महान शासक म्हणून संबोधून एक नवीन वाद सुरू केला आहे.

हे ही वाचा : 

रोहितच्या वजनावरून काँग्रेसने केलेल्या टिप्पणीवर बीसीसीआय संतापली

महाकुंभ मेळा संपला पण संगमात स्नान करण्यासाठी भाविकांची ये-जा सुरूच!

दिल्लीतील विजेच्या पायाभूत सुविधांची वाईट स्थिती आम आदमी पार्टीमुळे

…अन हातात बेड्या घालून जितेंद्र आव्हाड पोहोचले अधिवेशनात!

अबू आझमी यांनी असा दावा केला आहे की औरंगजेबाच्या राजवटीत भारताच्या सीमा अफगाणिस्तानपासून म्यानमारपर्यंत पसरल्या होत्या, भारताचा जीडीपी जगाच्या जीडीपीच्या २४ टक्के होता, म्हणून औरंगजेबाला एक चांगला शासक म्हटले पाहिजे आणि छत्रपती संभाजी महाराज आणि औरंगजेब यांच्यात कोणताही धार्मिक किंवा सांप्रदायिक संघर्ष नव्हता, तर तो राज्यकारभारासाठीचा संघर्ष होता. तथापि, भाजप आमदार राम कदम यांनी अबू आझमी यांचा दावा फेटाळून लावला आणि म्हटले की त्यांना इतिहास माहित नाही आणि त्यांना इतिहासाचे पुस्तक भेट दिले जाईल.

भाजप नेते म्हणाले की, जेव्हा ते विधिमंडळात येतील तेव्हा आम्ही त्यांना इतिहासावरील एक पुस्तक भेट देऊ. औरंगजेबाने आपल्या राजाला कसे अपार क्रूरतेने आणि कपटाने मारले हे त्यांना माहित नाही का?, असा सवाल त्यांनी उपस्थित केला.