पाकिस्तानला पुन्हा एकदा आंतरराष्ट्रीय स्तरावर अपमानाचा सामना करावा लागला. तुर्कमेनिस्तानमधील पाकिस्तानच्या राजदूताला अमेरिकेत प्रवेश नाकारण्यात आला. त्यांच्याकडे वैध व्हिसा आणि सर्व कायदेशीर प्रवास कागदपत्रे असूनही त्यांना लॉस एंजेलिसमधून हद्दपार करण्यात आले. वृत्तानुसार, केके अहसान वागन सुट्टीसाठी लॉस एंजेलिसला जात असताना अमेरिकन इमिग्रेशन अधिकाऱ्यांनी त्यांना विमानतळावर रोखले.
तुर्कमेनिस्तानमधील पाकिस्तानचे राजदूत अहसान वागन हे एका खाजगी भेटीवर अमेरिकेला जात होते, तिथे त्यांना प्रवेशबंदी करण्यात आली. वैध व्हिसा असूनही, त्यांना लॉस एंजेलिस विमानतळावरून परत पाठवण्यात आले. वृत्तानुसार, पाकिस्तानच्या परराष्ट्र कार्यालयाने सांगितले की राजदूताकडे सर्व आवश्यक कागदपत्रे होती, परंतु तरीही त्यांना अमेरिकेत प्रवेश दिला जात नव्हता. माहितीनुसार, अमेरिकन इमिग्रेशन सिस्टीममध्ये ‘वादग्रस्त व्हिसा संदर्भ’ आढळले होते, ज्यामुळे त्याला अमेरिकेत प्रवेश देण्यात आला नाही. तथापि, या व्हिसा संदर्भांबद्दल किंवा कोणत्याही विशिष्ट सुरक्षेच्या चिंतेबद्दल कोणतीही सविस्तर माहिती देण्यात आलेली नाही.
राजदूताला विमानतळावरून परत पाठवून देण्याच्या या दुर्मिळ राजनैतिक घटनेत तुर्कमेनिस्तानमधील पाकिस्तानच्या राजदूताला अमेरिकेत प्रवेश नाकारण्यात आला. त्यांच्याकडे वैध व्हिसा आणि सर्व कायदेशीर प्रवास कागदपत्रे असूनही त्यांना लॉस एंजेलिसमधून हद्दपार करण्यात आले. “राजदूत के.के. वागन यांना अमेरिकेतून हद्दपार करण्यात आले. त्यांना इमिग्रेशन आक्षेप होता ज्यामुळे त्यांना हद्दपार करण्यात आले,” असे पाकिस्तानी परराष्ट्र मंत्रालयाच्या एका अधिकाऱ्याने सांगितले.
पाकिस्तानचे परराष्ट्र मंत्री इशाक दार आणि सचिव अमिना बलोच यांना या घटनेची माहिती देण्यात आली. पाकिस्तानच्या परराष्ट्र मंत्रालयाने लॉस एंजेलिसमधील त्यांच्या वाणिज्य दूतावासाला या प्रकरणाची चौकशी करण्याचे निर्देश दिले आहेत. परिस्थिती स्पष्ट करण्यासाठी वागन यांना इस्लामाबादला परत बोलावले जाण्याची शक्यता वर्तवण्यात येत आहे.
हे ही वाचा..
मुस्लिमांनी होळीला जवळच्या मशिदीत नमाज अदा करावी
हूती नेतेने इस्रायली जहाजांवर पुन्हा हल्ला करण्याची दिली धमकी
ई-श्रम पोर्टलमुळे ३०.६८ कोटी श्रमिकांना फायदा
पंतप्रधान मोदी मॉरिशसला पोहोचताच ओबेरॉय हॉटेलमध्ये नागरिकांशी संवाद साधला
वागन यांनी पाकिस्तानच्या परराष्ट्र सेवेत अनेक महत्त्वाची पदे भूषवली आहेत. तुर्कमेनिस्तानमध्ये राजदूत म्हणून नियुक्ती होण्यापूर्वी, वागन यांनी काठमांडूमधील पाकिस्तानी दूतावासात द्वितीय सचिव म्हणून काम पाहिले. ते लॉस एंजेलिसमधील पाकिस्तानी दूतावासात उप-वाणिज्यदूत म्हणूनही काम करत होते.
