संभलमध्ये सार्वजनिक उद्यानाच्या जमिनीवर बांधलेल्या मशीदीवर बुलडोझर कारवाई

उत्तर प्रदेशातील संभल येथे सरकारी जमिनीवर झालेले अतिक्रमण हटवण्यासाठी प्रशासनाकडून बुलडोझर कारवाई सुरू आहे. याच पार्श्वभूमीवर सार्वजनिक उद्यानाच्या जमिनीवर बांधण्यात आलेली बेकायदेशीर मशीद पाडण्यात आली आहे. एन्कोरा कंबोह येथील कल्की धामला लागून असलेल्या सार्वजनिक उद्यानाच्या २६५ चौरस मीटर जमिनीवर बांधलेली मशीद पाडण्यात आली आहे.

नायब तहसीलदार दीपक झुरैल आणि सीओ कुलदीप सिंग यांच्या नेतृत्वाखाली, सार्वजनिक उद्यानाच्या जमिनीवर बांधलेल्या मशिदीवर बुलडोझर कारवाई करण्यात आली. ही कारवाई १५ ऑक्टोबर रोजी एन्कोरा कंबोह परिसरात करण्यात आली. सरकारी उद्यानाच्या जमिनीवर मशिदीची बांधणी बेकायदेशीरपणे करण्यात आली होती. न्यायालयाच्या आदेशानंतर, मशिदीची रचना पाडण्यात आली. घटनास्थळी तीन पोलिस ठाण्यांचे पोलिस दल तैनात करण्यात आले होते.

संभल येथे बांधल्या जाणाऱ्या भव्य कल्की धाम जवळील सार्वजनिक उद्यानात २६५ चौरस मीटर सरकारी जमिनीवर ही “छोटी मशीद” बेकायदेशीरपणे बांधण्यात आली होती. स्थानिक लिपिकाच्या अहवालानंतर, प्रशासनाने ११ जून रोजी मशीद समितीला जमीन रिकामी करण्याची नोटीस बजावली. यानंतर समितीने काही भाग पाडण्यास सुरुवात केली, परंतु संपूर्ण मशीद हटवली नाही. मशीद समिती बेकायदेशीर बांधकाम पूर्णपणे हटवण्यात अपयशी ठरल्यानंतर, प्रशासनाने आपली कारवाई सुरू केली.

तहसीलदारांनी २४ सप्टेंबर रोजी मशिदीविरुद्ध आदेश जारी केला. त्यानंतर १० ऑक्टोबर रोजी मशीद पाडण्यासाठी एक समिती स्थापन करण्यात आली. बुधवारी, नायब तहसीलदार दीपक जुरैल आणि सीओ कुलदीप सिंग हे मोठ्या पोलिस दलासह आणि महसूल पथकासह घटनास्थळी पोहोचले. यानंतर घटनास्थळी बुलडोझर कारवाई करण्यात आली.

हे ही वाचा :

शस्त्रे सोडून संविधान हाती घेत भूपतीसह ६० नक्षलींचे आत्मसमर्पण

दिल्लीकरांनो हरित फटाकेच फोडा!

बाबासाहेब पाटील यांनी गोंदियाचे पालकमंत्रीपद सोडलं!

भारत-मंगोलिया राजनैतिक संबंधांच्या ७० व्या वर्धापन दिनानिमित्त सांस्कृतिक वारसा साजरा

सीओ कुलदीप सिंग यांनी सांगितले की, न्यायालयाच्या आदेशानुसार ही कारवाई करण्यात आली आहे. त्यांनी स्पष्ट केले की बेकायदेशीर बांधकाम पाडण्याचे काम आधीच सुरू आहे आणि आता फक्त उरलेला भाग पाडण्यात आला आहे. कायदा आणि सुव्यवस्था राखण्यासाठी तीन पोलिस ठाण्यांचे पोलिस तैनात करण्यात आले होते.