पंतप्रधान मोदींनी जपानच्या पंतप्रधानांशी फोनवर साधला संवाद, कशावर झाली चर्चा?

पंतप्रधान नरेंद्र मोदी यांनी बुधवारी (२९ ऑक्टोबर) जपानच्या पंतप्रधान साने ताकाची यांच्याशी फोनवरून संवाद साधला आणि पदभार स्वीकारल्याबद्दल त्यांचे अभिनंदन केले. दोन्ही देशांमधील भागीदारी वाढवण्याच्या सामायिक दृष्टिकोनावर त्यांनी चर्चा केली आणि जागतिक शांतता, स्थिरता आणि समृद्धीसाठी भारत-जपान संबंध मजबूत असणे अत्यंत महत्त्वाचे आहे यावर नेत्यांनी भर दिला.

एक्सवरील एका पोस्टमध्ये या कॉलची माहिती शेअर करताना पंतप्रधान मोदी म्हणाले, “जपानच्या पंतप्रधान साने ताकाची यांच्याशी उबदार चर्चा झाली. पदभार स्वीकारल्याबद्दल त्यांचे अभिनंदन केले आणि आर्थिक सुरक्षा, संरक्षण सहकार्य आणि प्रतिभा गतिशीलतेवर लक्ष केंद्रित करून भारत-जपान विशेष धोरणात्मक आणि जागतिक भागीदारी पुढे नेण्याच्या आमच्या सामायिक दृष्टिकोनावर चर्चा केली. जागतिक शांतता, स्थिरता आणि समृद्धीसाठी भारत-जपान संबंध मजबूत असणे महत्त्वाचे आहे यावर आम्ही सहमत झालो.”

२१ ऑक्टोबर रोजी पंतप्रधान नरेंद्र मोदी यांनी जपानच्या नवनिर्वाचित पहिल्या महिला पंतप्रधान साने ताकाची यांचे अभिनंदन केले होते. त्यांनी भारत आणि जपानमधील संबंध दृढ होणे हे इंडो-पॅसिफिक आणि त्यापलीकडे शांतता, स्थिरता आणि समृद्धीसाठी महत्त्वाचे आहे यावर भर दिला.

हे ही वाचा : 

पंतप्रधान मोदी ३०,३१ ऑक्टोबरला गुजरात, दिल्ली दौऱ्यावर

स्टॅच्यू ऑफ युनिटी येथे ‘एकता परेड’ची रंगीत तालीम

गॅंगस्टर अबू सालेमच्या नावाचा वापर करून वृद्धाकडून ७१ लाख लुटले

आशियाई युवा स्पर्धेत रुपेरी चमक दाखविणाऱ्या शौर्याचे मुख्यमंत्री, उपमुख्यमंत्र्यांकडून कौतुक

पंतप्रधान मोदींनी पोस्टमध्ये म्हटले होते, “जपानचे पंतप्रधान म्हणून निवड झाल्याबद्दल साने ताकाची, तुमचे हार्दिक अभिनंदन. भारत-जपान विशेष धोरणात्मक आणि जागतिक भागीदारी अधिक मजबूत करण्यासाठी मी तुमच्यासोबत जवळून काम करण्यास उत्सुक आहे. इंडो-पॅसिफिक आणि त्यापलीकडे शांतता, स्थिरता आणि समृद्धीसाठी आमचे वाढत जाणारे संबंध महत्त्वाचे आहेत.”

Had a warm conversation with Sanae Takaichi, Prime Minister of Japan. Congratulated her on assuming office and discussed our shared vision for advancing the India-Japan Special Strategic and Global Partnership, with focus on economic security, defence cooperation and talent…

— Narendra Modi (@narendramodi) October 29, 2025

त्यांच्या हार्दिक शुभेच्छांना उत्तर देताना, जपानी पंतप्रधान ताकाची यांनी पोस्टकरत म्हटले, “जपान-भारत विशेष धोरणात्मक आणि जागतिक भागीदारीला आणखी चालना देण्यासाठी मी महामहिम यांच्यासोबत काम करण्यास उत्सुक आहे.” दरम्यान, अलिकडेच पंतप्रधान ताकाची यांनी अमेरिकेचे अध्यक्ष डोनाल्ड ट्रम्प यांचीही भेट घेतली होती.