भारताच्या एकता आणि अखंडतेचे प्रतीक, ‘लोहपुरुष’ सरदार वल्लभभाई पटेल यांच्या १५० व्या जयंतीनिमित्त गुजरातमधील ‘एकतानगर’ येथे भव्य कार्यक्रमाच्या तयारीला वेग आला आहे. बुधवारच्या दिवशी स्टॅच्यू ऑफ युनिटी येथे ‘एकता परेड’ची तालीम घेण्यात आली. या रिहर्सलदरम्यान कलाकारांनी विविध सादरीकरणे सादर केली. वेगवेगळ्या राज्यांच्या झांकीदेखील काढण्यात आल्या. जवानांनी मोटारसायकल स्टंट शो सादर करून सर्वांचे लक्ष वेधले. या शोची खासियत म्हणजे एका मोटारसायकलवर सहा जवान होते, जे विविध धर्मांचे प्रतिनिधित्व करणाऱ्या वेशभूषेत सजले होते, तर त्यांच्या वर सरदार पटेल यांच्या वेशात एक जवान उभा होता.
सरदार पटेल यांची १५० वी जयंती ३१ ऑक्टोबर रोजी ‘एकतानगर’ येथील स्टॅच्यू ऑफ युनिटीवर साजरी केली जाणार आहे. या सोहळ्यात पंतप्रधान नरेंद्र मोदीही सहभागी होतील. या प्रसंगी सांस्कृतिक महोत्सव आणि राष्ट्रीय एकता परेड आयोजित करण्यात येईल, ज्यात बीएसएफ, सीआरपीएफ, सीआयएसएफ, आयटीबीपी आणि एसएसबी यांसारख्या अर्धसैनिक दलांच्या तुकड्या सहभागी होतील. तसेच आसाम, त्रिपुरा, ओडिशा, छत्तीसगड, मध्य प्रदेश, महाराष्ट्र, पंजाब, जम्मू-काश्मीर, केरळ आणि आंध्र प्रदेश पोलिसांच्या पथकांचाही समावेश असेल.
हेही वाचा..
गॅंगस्टर अबू सालेमच्या नावाचा वापर करून वृद्धाकडून ७१ लाख लुटले
राष्ट्रपतींनी ‘राफेल’ विमानातून केले उड्डाण!
आशियाई युवा स्पर्धेत रुपेरी चमक दाखविणाऱ्या शौर्याचे मुख्यमंत्री, उपमुख्यमंत्र्यांकडून कौतुक
भाजपा कार्यकर्त्यांना आग लावू, निवडणूक आयोगाचे पाय मोडू!
परेडमध्ये देशभक्तीच्या सुरावटींवर वादन करणाऱ्या नऊ बँड तुकड्या सहभागी होतील. याशिवाय चार शाळा-बँड विशेष सादरीकरण करतील, ज्यात गुजरातमधील दोन बँड असतील. सीआयएसएफ आणि सीआरपीएफच्या महिला कर्मचाऱ्यांकडून मार्शल आर्ट्स आणि युद्धकौशल्याचे सादरीकरण केले जाईल. या परेडमध्ये बीएसएफच्या उंट दस्त्याचा बँड, गुजरात पोलिसांचा घोडदळ, आसाम पोलिसांचा मोटारसायकल स्टंट शो तसेच देशी रॅम्पूर आणि मुधोल हाउंड या जातींच्या कुत्र्यांच्या क्षमतांचेही प्रदर्शन करण्यात येईल.
संस्कृती मंत्रालयाच्या वतीने आयोजित सांस्कृतिक कार्यक्रमात ९०० कलाकार भारताची विविधता आणि समृद्ध परंपरा सादर करतील. याशिवाय ‘रन फॉर युनिटी’चे आयोजनही करण्यात येईल. पंतप्रधान नरेंद्र मोदी यांनी सरदार पटेल यांच्या १५० व्या जयंतीनिमित्त 31 ऑक्टोबर रोजी होणाऱ्या ‘रन फॉर युनिटी’मध्ये सहभागी होण्याचे देशवासियांना आवाहन केले आहे. २७ ऑक्टोबर रोजी ‘एक्स’ पोस्टमध्ये मोदी यांनी लिहिले होते ३१ ऑक्टोबर रोजी एकता धावमध्ये सहभागी व्हा आणि ऐक्याच्या भावनेचा उत्सव साजरा करा. चला, सरदार पटेल यांच्या अखंड भारताच्या स्वप्नाला सन्मान देऊया.”
