मध्य पूर्वेतील तणाव पुन्हा एकदा वाढताना दिसत आहे. आखाती प्रदेश आणि त्याच्या आसपासच्या महत्त्वाच्या सागरी मार्गांमध्ये संघर्षाची तीव्रता वाढत असल्याचे संकेत मिळत आहेत. UK Maritime Trade Operations (यूकेएमटीओ) यांच्या माहितीनुसार, येमेनच्या किनाऱ्याजवळ सहा सशस्त्र व्यक्ती असलेल्या एका बोटीने व्यापारी जहाजावर गोळीबार केला. त्यानंतर जहाजावरील सुरक्षा पथकाने प्रत्युत्तरात्मक कारवाई केली. ही घटना काही तासांपूर्वी घडली असून तिचा तपास सुरू आहे.
अशा प्रकारच्या घटना या प्रदेशात संघर्ष पुन्हा तीव्र होत असल्याचे संकेत मानल्या जात आहेत. वाढते हल्ले आणि प्रत्युत्तरात्मक कारवायांमुळे परिस्थिती पुन्हा अस्थिर होण्याची भीती व्यक्त केली जात आहे. दरम्यान, सोहार शहराच्या ईशान्येस सुमारे ३७ किलोमीटर अंतरावर एका तेलवाहू जहाजाला आग लागल्याची घटना समोर आली आहे. यूकेएमटीओच्या माहितीनुसार, जहाजाच्या इंजिन रूममध्ये आग लागली होती. या घटनेत एका व्यक्तीचा मृत्यू झाल्याची किंवा गंभीर जखमी झाल्याची प्राथमिक माहिती समोर आली असली, तरी अधिकृत तपशील अद्याप जाहीर करण्यात आलेले नाहीत. आगीचे नेमके कारण शोधण्यासाठी तपास सुरू आहे.
वृत्तांनुसार, संघर्षविरामानंतरही इराण आणि अमेरिका या दोन्ही बाजूंनी होर्मुझ सामुद्रधुनी परिसरातील व्यापारी जहाजांना लक्ष्य केल्याच्या घटना घडत राहिल्या आहेत. त्यामुळे जगातील सर्वात महत्त्वाच्या सागरी व्यापार मार्गांपैकी एक असलेल्या या मार्गात हजारो जहाजे अडकून पडल्याचे सांगितले जात आहे.
हे ही वाचा:
अमेरिकी हल्ल्यांच्या प्रत्युत्तरादाखल इराणकडून जॉर्डनसह आखाती प्रदेशात हल्ले
गुजरातमध्ये १६८ मेगावॅट क्षमतेचे डेटा सेंटर होणार विकसित
मुंबई-पुणे महापौर कार्यालयासह संघ मुख्यालयाला बॉम्बस्फोटाची धमकी
इराणमधील पिण्याच्या पाण्याच्या साठ्यावर अमेरिकेचा हल्ला
या घडामोडींवर आखाती प्रदेशातील अनेक देशांनी चिंता व्यक्त केली आहे. बहरीन आणि संयुक्त अरब अमिराती यांनी इराणच्या कारवायांवर तीव्र आक्षेप नोंदवले आहेत. तणाव कमी करण्यासाठी आणि संघर्षाचा विस्तार रोखण्यासाठी आखाती देशांचे नेते इराण आणि अमेरिका या दोन्ही देशांवर राजनैतिक दबाव वाढवू शकतात, अशी शक्यता वर्तवली जात आहे. सध्याच्या घडामोडींमुळे मध्य पूर्वेतील सुरक्षेची परिस्थिती अधिक गुंतागुंतीची बनली असून जागतिक ऊर्जा पुरवठा आणि सागरी व्यापारावर त्याचा परिणाम होण्याची चिंता व्यक्त केली जात आहे.
